影片
更多
2008-07-16
38 浏览
去开铜锣湾揾食，原本经常去开铜锣湾广场的泉章居，今次谂住破例试下一间叫煌府既物体，都系同一幢楼，结果死人都激番生。完全因为体现到其中一名网友的片皮鸭遭遇！毫无准备，无睇过呢间野既食评就走上去，系6点左右，入面一个客都冇。我地两个人上去打边炉，入到去原本感觉良好，装修都叫可以啦，好多调料品任你沟，而且ｄ野食上既速度都几快，系一次过一碟上晒，唔驶咁多细碟阻住，几方便。原本都知道两个人应该冇片皮鸭送，但系个侍应话有，要迟ｄ先有。果时系六点十分左右，佢地规定我地食火㶽只可以食两个半钟，咁我估最迟八点都应该有挂。好啦，ｄ火㶽料一次过上晒，都好似几新鲜：肥牛：份量都ｏｋ，都几新鲜墨鱼仔：都几好味墨鱼丸：几新鲜鳝：几肥美总之，总括ｄ料都唔错。标榜68元一个人，不过上到去要计埋20元豉油钱，20元nuts，茶酸8元，搞搞埋埋要128元一个人，其实有ｄ狗贱，不过问心间间酒楼任食火㶽都系咁架啦！任食任饮㖞，你想点呀？问题系态度同处事方式既问题。你规定我火㶽只系得两个半钟，我见八点都未送片皮鸭，但系佢之前都片左好多只，当然我明白要照顾左ｄ真金白银买既客人，但系我就嚟两个半钟啦㖞，唔走系到等片皮鸭好似唔系几好
毫无准备，无睇过呢间野既食评就走上去，系6点左右，入面一个客都冇。我地两个人上去打边炉，入到去原本感觉良好，装修都叫可以啦，好多调料品任你沟，而且ｄ野食上既速度都几快，系一次过一碟上晒，唔驶咁多细碟阻住，几方便。
原本都知道两个人应该冇片皮鸭送，但系个侍应话有，要迟ｄ先有。果时系六点十分左右，佢地规定我地食火㶽只可以食两个半钟，咁我估最迟八点都应该有挂。
好啦，ｄ火㶽料一次过上晒，都好似几新鲜：
肥牛：份量都ｏｋ，都几新鲜
墨鱼仔：都几好味
墨鱼丸：几新鲜
鳝：几肥美
总之，总括ｄ料都唔错。
标榜68元一个人，不过上到去要计埋20元豉油钱，20元nuts，茶酸8元，搞搞埋埋要128元一个人，其实有ｄ狗贱，不过问心间间酒楼任食火㶽都系咁架啦！任食任饮㖞，你想点呀？问题系态度同处事方式既问题。
你规定我火㶽只系得两个半钟，我见八点都未送片皮鸭，但系佢之前都片左好多只，当然我明白要照顾左ｄ真金白银买既客人，但系我就嚟两个半钟啦㖞，唔走系到等片皮鸭好似唔系几好，虽然佢半个场都系空了了。
真系唔出声唔得，因为小弟等时间行街，八点三咪问问佢几时有咯，佢话要迟ｄ。果时基本上我地已经熄左个火，等埋单咁款，好心你都快ｄ送鬼左比我，等我腾空张枱，比你做多转生意啦！
好啦！终于都嚟啦！等左两个半钟！原来系每人一片。咁都算，因为佢唔系official列明会送既，食落去！哇，经典呀，好冻！好鞋！唔脆！好勒！两个半钟，换嚟系一种乞食既感觉！你如果觉得两条友应该系冇得送既，大可以话唔好意思，我地写明四个人先有得送，你地两位真系冇架㖞，咁我反而冇野！
送两件咁既垃圾，要等两个半钟？come on baby！你以为系中银奥运钞呀？
同场加演，系七时左右，一对男女叫小菜，男既食食下突然发难，喂！点解碟嘢一半热一半冻架？佢叫咗几条友嚟理论，我冇留意系咩𩠌，但系初时我都以为系果条友麻烦，嫌三嫌四，不过，当我领嘢后，我终于明白，为何呢间嘢去到八点半，竟然系半个场都坐唔满！
唉，早知上嚟openrice睇咗师兄姐ｄ「包胶」先上嚟，咁就唔会落得咁既下场！
正是：睇咗openrice包胶，食嘢就唔会硬胶。
下面餐厅特色系，我选咗适合大伙人，因为系唔需要等位既。
张贴