一起食堂 (域多利皇后街)

营业中

休息中

第一次黎，叫左两个主食，体验极疯狂。1.和风牛肉乌龙面乌龙面面质极级滑，滑到唔识形容，出面好难可以食得到咁滑，除了滑也是滑，心服口服，正。汤底唔会太浓，清清地但亦够味，唔会掩盖其他食材味道。牛肉肉质都唔错。除左面仲有其他前菜，包括云耳、沙律、泡芙，配搭好新奇。云耳配酸醋开胃，泡芙甜甜地都好食，沙律都不过不失。2.蒲烧鳗鱼饭鳗鱼饭都系有同样前菜。另外仲有个汤，有少少苦味，同时又带辣及咸。感觉系白萝卜汤加左胡椒咁，唔识形容，味道麻麻。鳗鱼饭主角当然是鳗鱼。鳗鱼的鱼味普通，但质地却系令我好无奈...食落胶质几重，唔识形容，唔知点解弹性咁强，如果用普通匙羹切开系好困难。平时食鳗鱼质感好少食到咁样。食完晒亦特别觉得肥滞。唔清楚鳗鱼系咪同出面其他食肆用唔同品种，但唔多好食。3.芦荟桂花雪梨茶雪梨茶充满粒粒芦荟，有清香桂花味，雪梨的味道亦淡淡的，清新怡人，真系几好饮。