影片
更多
2021-05-12
1498 浏览
招牌套餐 转担担面 ($108 + $11)套餐包括酸辣粉、口水鸡、凉拌木耳、凉拌青瓜、凉拌虫草花浮皮、甜品同饮品。娘亲经我极力推荐下拣试担担面😂。川式担担面，同平时食开嘅上海担担面浸喺芝麻酱辣汤嘅煮法唔太一样，系以拌嘅形式去处理，似系用酱油、辣油、麻油、黑醋，调和葱、干蒜 花椒同辣椒🔥，再加以少量炒香嘅麻辣牛肉同花生粒，混和幼身面条嚟食。味道方面，小编今次嗌咗少辣，每一啖都会感觉到麻 辣两种元素同时涌现🥵，加上浓浓嘅蒜香、牛肉碎嘅焦香，同唔太重嘅花生味 ，实在让人欲罢不能❤️。而微弱嘅黑醋酸味可以稍稍解腻，吸引我哋继续嗜辣，非常开胃。面条口感烟韧爽滑👍🏻，非常之有咬口，而且挂汁，麻而带辣嘅味道随随在面根入面渐渐渗出，越食越香浓惹味😋，少辣够味得嚟唔会盖过晒面香。可惜佢嘅酱汁唔太足够，有啲干身😬；由于系干捞嘅关系，味道会比较浓，斋食耐咗可能会有啲口干，夹埋𩠌同嘢饮间断咁食体验会好啲。加上制作时间应该有啲过长🧐，担担面送上嚟嘅时候已经有好几条面黐埋一齐嘅情况。口水鸡份量其实都几多，温度雪得啱啱好唔会暖。虽然佢比嘅几乎全部都系鸡胸肉，但肉质扎实得嚟都颇嫩滑，唔嚡口，似家常白切鸡嘅质感，鸡肉鲜
套餐包括酸辣粉、口水鸡、凉拌木耳、凉拌青瓜、凉拌虫草花浮皮、甜品同饮品。娘亲经我极力推荐下拣试担担面😂。
川式担担面，同平时食开嘅上海担担面浸喺芝麻酱辣汤嘅煮法唔太一样，系以拌嘅形式去处理，似系用酱油、辣油、麻油、黑醋，调和葱、干蒜 花椒同辣椒🔥，再加以少量炒香嘅麻辣牛肉同花生粒，混和幼身面条嚟食。味道方面，小编今次嗌咗少辣，每一啖都会感觉到麻 辣两种元素同时涌现🥵，加上浓浓嘅蒜香、牛肉碎嘅焦香，同唔太重嘅花生味 ，实在让人欲罢不能❤️。而微弱嘅黑醋酸味可以稍稍解腻，吸引我哋继续嗜辣，非常开胃。面条口感烟韧爽滑👍🏻，非常之有咬口，而且挂汁，麻而带辣嘅味道随随在面根入面渐渐渗出，越食越香浓惹味😋，少辣够味得嚟唔会盖过晒面香。可惜佢嘅酱汁唔太足够，有啲干身😬；由于系干捞嘅关系，味道会比较浓，斋食耐咗可能会有啲口干，夹埋𩠌同嘢饮间断咁食体验会好啲。加上制作时间应该有啲过长🧐，担担面送上嚟嘅时候已经有好几条面黐埋一齐嘅情况。
口水鸡份量其实都几多，温度雪得啱啱好唔会暖。虽然佢比嘅几乎全部都系鸡胸肉，但肉质扎实得嚟都颇嫩滑，唔嚡口，似家常白切鸡嘅质感，鸡肉鲜味亦更加突出，鸡皮又唔会太肥腻。调味方面比起担担面，麻油同花生香更加浓郁😍，佢𠮶种麻味同辣味好balanced 偏微辣，配埋香葱同花生粒，层次更加丰富💯，几开胃，有埋芫荽就更好🤪。成碟嘢味道好和谐，几高质，我好钟意食佢面头嘅花生，炒得好香🤤。
三款小食都唔错：
拍青瓜嘅花椒落得比较重手，食到个嘴好麻🙈；青瓜爽脆，麻油同蒜味香浓，咸甜适中非常好食。木耳入口软腍爽脆，咬落去铿锵有声；主要用蒜蓉嚟调味，唔辣嘅，可惜偏咸。凉拌虫草花浮皮，即系猪皮🤓(原本以为系海蜇)，做得非常爽口入味，味道有啲似唔甜嘅泰式酸辣，麻味系好淡嘅；猪皮做得好食好考功夫，所以呢个有惊喜🤙🏻。
甜品系桂花冰粉，外表美观，晶莹剔透✨✨ ；入口清甜，口感就似水晶凉粉，真系有桂花香，解辣一流。
嘢饮方面小编嗌咗热奶茶，都冲得几满意，茶涩味足 ，如果奶香再重啲就更加好。
------------------------------
整体评分：7.9/10
小编回头率：7/10
最后想讲嘅系店员服务态度意想不到地好，超有礼貌(之前去亲嘅川菜馆啲阿婶都好恶😑)，所以今餐体验唔错。
招牌套餐 (转担担面)
60 浏览
0 赞好
0 留言
担担面
75 浏览
0 赞好
0 留言
口水鸡
76 浏览
0 赞好
0 留言
凉拌木耳、凉拌青瓜、凉拌虫草花浮皮 (跟餐小食)
75 浏览
0 赞好
0 留言
桂花冰粉 (跟餐甜品)
50 浏览
0 赞好
0 留言
张贴
