德記大排檔

营业中

休息中

同班friend突然之间话想饮青岛，所以就去咗大排档，贪呢度俾我哋大叫大笑都冇人理。乳鸽味道正常，唔算大只，$68一只来讲性价比一啲都唔高。豆豉鲮鱼油麦菜嘅豆豉鲮鱼应该唔系用大牌子嘅，味道偏咸。全晚最高质素就系呢个墨鱼咀，份量都几多，所以好似五饼二鱼咁，食极都仲有！我估唔到装住鸡煲嘅唔系煲而系一只铁镬，真系好特别。或者系我哋个样太似食神，店员完全冇提及我哋要点处理呢个「鸡镬」，究竟要炒多几多分钟？唯有随心啦⋯呢个蒜蓉蒸开边虾，简直有呃秤之嫌，明明话要一斤，但啲虾好细只，再开埋边啲肉薄到不得了，根据我呢个师奶目测，以虾嘅份量嚟计根本连半斤都冇，只怪我冇问清楚，可能佢话嘅一斤系包埋啲粉丝同蒜蓉咁样计埋一齐秤，咁样二百几蚊真心嬲呢个椒盐豆腐佢话系送嘅，其实就冇乜味，不过既然系送嘅我都唔会有啲咩要求。