德記大排檔

营业中

休息中

同朋友去咗火炭大排檔食晚飯😎同朋友一齊食飯飲酒就正啦，可以坐室外呼吸新鮮空氣🤗叫咗三個小炒慢慢坐慢慢食豉椒炒蜆椒鹽魷魚，椒鹽豆腐拼雞軟骨送啤酒一流呀 😆每碟小炒都好有鑊氣，豉椒炒蜆炒得好嘢味，重點係清潔得好乾淨沒有沙，豆腐和雞軟骨香脆，魷魚脆卜卜，外脆內軟剛剛好 🤭

今日我哋叫左三樣食物，一碟沙嗲芥蘭牛肉，味道偏咸，另一碟系生炆斑頭腩煲，d魚唔系太多，有d豆腐，有少少燒肉，有少少白菜仔，味道可以，另一碟糸蒜蓉蒸蟶子王，過熟，$45 一隻，比較貴，再加兩碗白飯，最唔好係我哋坐系飛吸煙區仍然聞到煙味

今晚嚟到火炭開會，走嘅時候已經差不多十點沿路行落去有好多大排檔都收拾緊見到呢間仲有好多枱坐緊，於是入去食個邪惡宵夜睇過餐牌，好多菜式都吸引同想試，可惜只得兩人大排檔真係要叫夠成枱人嚟食先開心椒鹽九肚魚賣相不錯，外皮炸得金黃酥脆，內裡軟滑細嫩香口野配啤酒一流～沙田雞粥粥底綿滑軟爛，雞肉新鮮又爽滑，蔥花夠香外面咁凍食返啖粥真係成個人暖哂蘿蔔牛腩煲上菜時勁香又夠熱辣辣牛腩豐厚肥美，牛筋香嫩爽滑，炆得濃香惹味整煲連蔥段香味四溢、回味無窮整體食物味道不錯，價錢可接受，可以再來～*晚市每枱花生$6

呢d咁慘的日子，諗住食好d去cheer up 下。所以屋企一行5人今晚到德記吃飯。6點左右，不算多人。我們點了雞粥、炒麵、蒜蓉粉絲蒸蟶子皇、乳鴿，椒鹽中蝦、腐竹咸蛋浸波菜、汽水及啤酒。首先飲品先到，完全唔夠凍。夏天黎架大佬（對我黎講香港已經無秋天）。2/5然後雞粥到，其實食左好多次沙田雞粥，次次都差唔多。記得有一次老闆同我講，佢地煲好個粥，然後再將隻半熟的雞放入去粥度，咁隻雞就唔會’鞋’。佢講得岩，咁多次都係唔’鞋’，仲幾滑。但係咁個粥有咩好味呢？可能傳統一向都係咁，所以無人覺得有咩問題。小弟唔算係咩一流廚師，都只係係屋但煮下飯仔。但我煲雞粥，會先放雞骨落魚袋，放入水煲佢幾個鐘，拎起個魚袋，撈起上面飄浮物，再落米。等到粥煲到7788，最後先放半熟的雞。會唔會咁先真係叫雞粥呢？傳統係咪一定要一成不變呢？所以我本身對呢d所謂的沙田雞粥，完全無感。3/5好另一個主角，乳鴿出場。嘩，唔講我以為燒春雞，咁鬼大隻！曾經有人話呢度d乳鴿唔算大隻，我心諗果條友都傻架。乳鴿要吃嫩，就一定唔會大隻。可能老闆睇到佢個食評，立即入青少年鴿。一撕開，咬落去，’鞋’到呢，而肉汁偏少！某些位置炸得不夠令皮不夠脆（可

埋單貴左幾倍，張單又下角我圈住果個係餐牌上面個價，佢話我地人多幫我地加大，價錢係原來既三倍，要求我地加大又冇講加幾多錢。份量加1倍，價錢就加3倍。加大你收我一倍我都算，你有四樣嘢收我三倍我真係無話可說

It’s been many years since I’ve been to 德記, I used to come here during the summers when visiting HK. And coming back brought back a lot of good memories. The first thing I noticed was that the location had changed, they used to be located on the side of the bus terminal, now they are round the back of the building. Was the food the same quality? The two items that I would alway order was the chicken congee and the roasted pigeon and on this visit it was no different, we also ordered salt and pep

今日搖擺天使梁安琪開完 Band Show 就拉大隊去左德記大排檔食飯慶功，順便慶祝萬聖節。今次叫左個4人餐。當中包括有: 生滾粥 點了皮蛋瘦肉粥，蒜蓉粉絲蒸茄子，炸乳鴿2只，粉絲花甲窩， 炸大條龍鯏魚，仲送左碟椒鹽豆腐。講番野食，乳鴿就當然一流，去火炭德記大排檔必吃。蒜蓉粉絲蒸茄子，蒜蓉粉絲超入味，茄子夠晒淋。粉絲花甲窩，好大窩，蜆大大只。 炸大條龍鯏，啖啖肉，魚皮炸到超級脆，好抵食。椒鹽豆腐夠野味。皮蛋瘦肉粥，粥煮到好綿，瘦肉好淋，因為平常去到都食雞粥，所以今次就試下其他粥，不過一樣咁好味。

放假同屋企人試下他區美食, 天氣開始無咁熱, 秋高氣爽又想食下大排檔。呢間老字號屋企人好多年前試過, 估唔到6點鐘到已經有好幾柗客, 但結果完全不似預期烤乳鴿（圖中上位置黑色）：咸。係炸得好脆啊 脆到d皮燶左食唔到, 肉又有D鞋, 無乜肉汁可言。(據聞呢個仲要係招牌)深圳雞煲:個樣幾靚，我地order左半隻, 小辣。老老實實, 雞煲偏咸係預左既, 但佢係更咸.. 辣味唔錯都幾香,  比想像既小辣更辣, 如有長輩要小心選擇。雞肉都算滑但就雞皮多過雞肉本身。椒鹽豬扒（圖中右位置）：可能多左個'鹽'字,  所以double咸度!? 豬扒本身已經腌左夠味, 但仲要再落好多椒'鹽'咁去爆, 有點擔心屋企人既腎, 呢碟直情食唔晒。蒜蓉蒸海鮮rder左帶子同聖子, 海鮮都清理得乾淨, 火喉差少少過火, 有少少偏軔, 不過係全柗野最好食的了。汲取前面幾道菜既教訓, 會先將8成蒜蓉撥走, 味道就差唔多了。另外我最鐘意既粉絲竟然碎晒, 唔係一撮, 變左一pat...點解要咁對佢？咸到咁真係唔可以唔飲野, 想客人叫多幾支啤酒, 無問題, 最多咪一百幾十? 但D野食咸到咁真係唔會再幫襯, 之後一千幾百既生意唔

同班friend突然之間話想飲青島，所以就去咗大排檔，貪呢度俾我哋大叫大笑都冇人理。乳鴿味道正常，唔算大隻，$68一隻來講性價比一啲都唔高。豆豉鯪魚油麥菜嘅豆豉鯪魚應該唔係用大牌子嘅，味道偏鹹。全晚最高質素就係呢個墨魚咀，份量都幾多，所以好似五餅二魚咁，食極都仲有！我估唔到裝住雞煲嘅唔係煲而係一隻鐵鑊，真係好特別。或者係我哋個樣太似食神，店員完全冇提及我哋要點處理呢個「雞鑊」，究竟要炒多幾多分鐘？唯有隨心啦⋯呢個蒜蓉蒸開邊蝦，簡直有呃秤之嫌，明明話要一斤，但啲蝦好細隻，再開埋邊啲肉薄到不得了，根據我呢個師奶目測，以蝦嘅份量嚟計根本連半斤都冇，只怪我冇問清楚，可能佢話嘅一斤係包埋啲粉絲同蒜蓉咁樣計埋一齊秤，咁樣二百幾蚊真心嬲呢個椒鹽豆腐佢話係送嘅，其實就冇乜味，不過既然係送嘅我都唔會有啲咩要求。

殿堂級DJ 歌手梁安琪去到火炭拍攝音樂節目，拍攝完就拉大隊去左德記大排檔，話夠晒大大碟夠鑊氣。今次每人就簡一左一樣鐘意既食物，包括有：椒鹽豆腐、三絲炒瀨粉、 荷芹炒藕片、 味菜牛柳絲。三絲炒瀨粉，瀨粉配料包括有：銀芽、魷魚、火腿絲等材料夠晒豐富，瀨粉軟硬適中，夠鑊氣。椒鹽豆腐就夠晒香脆可口。 味菜牛柳絲，肉味濃郁，加上味菜酸酸地，不會有油膩的感覺。另外他們的雞粥和燒乳鴿都非常有名，不過今次叫左咁多美食，下次再品嚐。

推薦指數：🤩🤩🤩🤩大排檔正宗港式風味！有時真係比起大酒店更出色更有味道嫁今晚黎到火炭工業區呢邊，一向都出名的大排檔，朋友介紹食德記～果然係唔錯！上菜快、有鑊氣、碟頭大、果然係快靚正豉椒炒蜆，份量好充料！蜆肉大大粒，全部都乾乾淨淨，一粒沙都無！極度抵讚～味道好薏味～豉椒香口～非常正一人一隻乳鴒～炸乳鴒熱辣辣！好好食呀～皮脆肉嫩，完全保持住JUICY的肉汁!!黎到大排檔我一定嗌的椒鹽鮮魷! 係大排檔先做到呢種鑊氣爆棚的菜式！脆卜卜勁香口～配埋辣椒絲同喼汁，有得輸嗎？呢個送的椒鹽豆腐！大排檔就係豪氣～送的碟頭都毫不失禮！大大碟，豆腐脆口惹味～今晚將所有小菜完美ＫＯ！

火炭德記 歷史悠久， 水準有時飄忽， 但今次Ben爺跟一大班同事來到這裏吃經典菜式則樣樣好味!菜式品評如下；紅燒乳鴿原隻上， 原隻上能保持鴿身的肉汁， 保持熱度， 還有就是保持鴿皮漲人卜， 今次乳鴿肉質 鮮嫩沒有令Ben爺失望! 點上少許淮鹽及喼汁 令味道上提升幾個層次!椒鹽鮮魷， 外皮金黃， 可惜椒鹽不掛身， 略欠味道。白飯魚煎蛋， 白飯魚夠大條 ，雞蛋厚身 鬆軟 有口感 ，可惜味道略淡。沙田雞粥 ，粥底綿滑 ，雞肉亦淋滑， 只可惜略欠雞 的鮮甜味 否則便是滿分。最令人喜出望外的是 炸豬大腸， 豬大腸皮脆 內軟， 熱辣辣點上 特製醬汁 非常惹味!侍應非常識做 ，贈送炸豆腐， 炸豆腐亦都做得外脆內嫩 好味!

We were there last night for friends gathering. I have to give credit for they have air con (a bit stronge) and comfortable chairs with back support. Usually the Tai Pai Dong in HK is quite hot and steamy with hard plastic stool. We ordered the famous chicken congee, it came looking somehow looking dull. We ordered a big pot for 4 people. The rice disintegrated in the congee, but the taste is pretty bland and not silky with disappointing few piece of chicken inside. Since congee is a best matche

凍冰冰嘅夜晚諗起熱辣辣嘅粥🤪決定入沙田揾雞粥食！兩間大排檔喺埋一到 求其入咗間🤪嗌咗個兩人餐再加餸三個人share馳名雞粥果然正！好綿 食到雞味🤩有得揀細窩大窩 個餐跟大窩好足料多雞肉 又無乜碎骨另一個招牌 紅燒乳鴿🦆個餐包咗隻 另外再加多隻皮燒得好香 又唔算好脆 不過都正🥰份量好多 隻隻蜆都幾大隻🤩夠晒味 不過略嫌鹹咗少少正正常常無咩特別鮮魷幾爽口唔韌 點埋蝦醬夠晒味呢個係跟餐送嘅 質素都唔太差炸得幾香 唔算太油膩🤓店員推介話泥鯭今日新鮮另外嗌咗呢個🤤果然正 第一次食果皮蒸好香 啲肉好滑 都算幾大條 一人一條啱啱好🥳三個人太多餸 呢個煲差唔多成個帶走返去食...不過味道係唔錯🤩

星期日同朋友喺大圍踩完單車，要補充體力，大家一致認為要食雞粥，於是朋友就帶住我地去到火炭搵食。4個人叫左個大雞粥，雞肉明顯用鹽醃左好耐，入哂味，好夠鹹。鹹鮮味令雞粥亦都好夠味，粒粒米花都煲到漲大，粥底綿滑。乳鴿係炸嘅，皮脆肉嫩又多汁，我地4個人叫左兩隻，每人食半隻都食到好多肉，肉厚肥美，必食👍🏻👍🏻👍🏻😋椒鹽多春魚非常香口，炸到脆卜卜。而且每條多春魚個肚都脹卜卜好多魚春，正！京都豬扒較一般，豬扒偏瘦，食左兩舊都唔算好鬆化。另外我地仲叫左碟蒜蓉白菜仔，都大大碟。