影片
更多
2023-02-04
511 浏览
出去食饭想享受到唔止食物质素，环境同服务都好重要。利申：我系好喜欢去食街坊嘢，大排档，街市，茶记都系我嘅至爱，所以完全唔惯要唔要五星级服务事。呢度食物overall OK，未去到wow，但食得出系有心做得仔细。明白难请人，但，基本嘅野都好似deliver 得唔好。唔系想list out issue，但真系全程太令人难以理解餐厅有无 brief / train 好同事？#1 入座安排混乱Book左table for 2早左到，见到一张四人枱上放左「Reserved」牌仔，同waiter 讲booking details，佢示意我坐另一张二人枱系无「Reserved」牌仔，咁我以为二人只可以坐二人枱，点知一分钟后有两个人冇订座，但就被安排坐四人枱😯我简单问同一个waiter 𠮶张有订座牌嘅四人枱其实系唔系留咗俾我，因为我系有book，佢竟然同我讲「其实个牌仔摆喺度㗎咋，不过你想嘅话都可以坐过去」🤦🏾♀️问题：- 咁究竟我嘅booking 佢哋究竟有冇record？- 咁如果都系冇事先安排嘅话，我张枱究竟有冇被安排？- 点解我两个人就系安排坐二人枱，当时有几张四人枱都唔俾我？而之后入嚟嘅两个
利申：我系好喜欢去食街坊嘢，大排档，街市，茶记都系我嘅至爱，所以完全唔惯要唔要五星级服务事。
呢度食物overall OK，未去到wow，但食得出系有心做得仔细。明白难请人，但，基本嘅野都好似deliver 得唔好。唔系想list out issue，但真系全程太令人难以理解餐厅有无 brief / train 好同事？
#1 入座安排混乱
Book左table for 2早左到，见到一张四人枱上放左「Reserved」牌仔，同waiter 讲booking details，佢示意我坐另一张二人枱系无「Reserved」牌仔，咁我以为二人只可以坐二人枱，点知一分钟后有两个人冇订座，但就被安排坐四人枱😯
我简单问同一个waiter 𠮶张有订座牌嘅四人枱其实系唔系留咗俾我，因为我系有book，佢竟然同我讲「其实个牌仔摆喺度㗎咋，不过你想嘅话都可以坐过去」🤦🏾♀️
问题：
- 咁究竟我嘅booking 佢哋究竟有冇record？
- 咁如果都系冇事先安排嘅话，我张枱究竟有冇被安排？
- 点解我两个人就系安排坐二人枱，当时有几张四人枱都唔俾我？而之后入嚟嘅两个人就可以直接坐四人枱？系咪睇waiter 心情？
#2 Order: 甩单/ waiter 好似唔太了解menu
我入座后首先order 鸭油薯条，menu 写「鸭油薯条/薯粒」，我唔清楚「薯粒」系咩，我问waiter 「薯粒系唔系tata tots？」，佢话「系」，我见佢个样唔太肯定，惊佢唔知咩叫tata tots，我就再问「系唔系即系薯宝？」，佢话「唔系，系薯仔切粒」。
我心谂，其实如果佢唔明我讲咩，点解要答我系？如果我冇再追问，serve 左薯粒，我唔食嘅话咁点算？ （我真系唔食薯仔切粒）
等朋友嚟埋我哋就order埋main 同drinks ，我哋一路倾偈，倾倾吓突然发现迟过我哋嚟嘅人都已经食紧嘢，我哋问返take order 嘅waitress，佢即刻帮我哋跟，然后同我哋讲唔好意思佢哋失误原来冇落单。。。。。。。
问题：
- 又落单去到我哋追单，足足过左30分钟以上，咁耐嘅时间点解冇员工会发现我哋张枱一直只系得一碟薯条同埋一杯嘢饮？正常都会问吓要唔要order 定系够唔够嘢食？
- 客人问关于餐牌嘅嘢其实系正常不过嘅事，但系点解又好似唔系好回答到咁？鸭油薯条系呢度signature ，都好似答唔到咁？
- 好笑嘅系我哋食紧碟薯条，突然之间又嚟多一碟。。。正常见到枱面已经有一叠薯条，两个人第一碟一半都未食完，会唔会又order 多碟？
#3 抽气问题
其实有啲shock见到呢度安装嘅系细抽气系统，但呢度嘅menu 有扒有炒有炸，应该用大型？
咁佢呢度用咩其实都唔关我事，但系成间餐厅都系油烟味我就有啲介意，我坐近门口，所以我开道门通气，点知waiter 三番四次冇了解过，就直接闩返道门。。。
问题：
- 其实有冇企喺客人嘅角度谂过点解要开门？唔通道门自动开？
#4 Toilet key
离开之前，我去水吧问佢哋有冇牙签，然后再喺佢哋面前行去洗手间方向，当时佢哋系冇特别嘅嘢做紧，而行去洗手间嘅通道系唯一一条去洗手间嘅通道，唔系通去其他地方，所以我肯定佢哋系知我去洗手间。
我尝试开Toilet道门，锁咗，以为入边有人，喺出面企咗几分钟，入面都冇声，我就折返返问佢哋其实系唔系要 toilet key，佢哋先至话系要，然后好礼貌咁俾条key我。。。。后来我先知原来我朋友都系要问，佢哋先俾toilet key佢
问题：
- 点解明知客人系去洗手间都唔会主动俾锁匙客人？客人唔会无端端要行入去非用膳位置，即系后巷。
To conclude，呢度嘅staff系任何嘢都非常无awareness ，成件事好似客人同佢哋系唔同个体，我真系完全唔知道发生咩事，好turn off。
张贴