祥興麵家 (已結業)

我一向都系粥精。无论春夏秋冬都系咁钟意食粥，夏天热死辣辣都会一个礼拜至少帮衬一次食粥。但系一向都好怕食到味精粥，“精”住个口成晚好辛苦！但系呢间舖d粥真系好得！又绵、食得出冇加师傅！抵赞！我地星期日两个人晏昼5点半到，冇乜人，可能未系食饭时间… 我地叫左︰1. 生滚田鸡粥1碗 – 粥底绵，但田鸡得1只，令到个粥淡左d，食到田鸡啖粥就会好甜，但斋食粥就淡左些少… 下次试下问佢加多只田鸡几多钱… 不过都系卖 $21，算系好ok！2. 净云吞1碗 – 皮簿馅靓，size适中，正！3. 通菜 - $10 都算几大碟，bf 话d腐乳好味。4. 蟹皇粥1煲 – 又系粥底绵、蟹虽然唔算大(煲仔饭size)，但劲新鲜！有好多膏！搅匀之后d粥好鲜甜。$26 咁既价钱同质素，95分！食完都唔觉口渴，非常好！我饭堂list又多一间，多谢openrice各方好友报料！