影片
更多
2011-06-09
332 浏览
香港地潮流兴饮茶文化，而家无论一家大细男女老少情侣知己，都钟意叹下一盅两件，过返个悠闲的下午。因此，香港的茶楼、酒家开到港九新界，成行成市，几乎好似便利店咁，梗有一间系左紧。不过，讲到质素高，又要价钱平嘅，真系可遇不可求。今日咁啱就比我遇一间－－－金山海鲜酒家。我都系个朋友介绍上黎饮茶，佢一早BOOK左位，一入到去，D位有D迫，我问侍应130号台系边，佢仲话：「我地无130号台㖞！」原来张台系角落头，好彩个朋友向我挥手，如果唔系我真系以为自己去错酒楼。朋友黎过呢度几次，所以我叫佢揸FIT叫点心，实无死错人。佢叫左5样野，除左麻蓉包之外，都系普通酒楼有的，豉汁蒸凤爪、潮州粉果、鲜虾马蹄饺，以及排骨蒸陈村粉。又估唔到㖞，样样点心都几有水准，凤爪卖相靓，唔会「㶶口㶶面」，又几JUICY几入味㖞。伴碟的花心都几腍。粉果好大粒，落足料，好多粉葛，仲有3、4粒花生，唔似得有D酒楼咁，D粉果好似肌肉萎缩咁。虾饺皮薄，马蹄爽脆，大小适中，一口一粒刚刚好，唔错！排骨蒸陈村粉我只系试左粒排骨，无雪味，唔会太瘦，不过蒜味不足。D粉如果唔落豉油，会好寡口。压轴登场嘅系... ...麻蓉包！！！正呀！！！出面顶
因此，香港的茶楼、酒家开到港九新界，成行成市，几乎好似便利店咁，梗有一间系左紧。
不过，讲到质素高，又要价钱平嘅，真系可遇不可求。
今日咁啱就比我遇一间－－－金山海鲜酒家。
我都系个朋友介绍上黎饮茶，佢一早BOOK左位，一入到去，D位有D迫，我问侍应130号台系边，佢仲话：「我地无130号台㖞！」原来张台系角落头，好彩个朋友向我挥手，如果唔系我真系以为自己去错酒楼。
朋友黎过呢度几次，所以我叫佢揸FIT叫点心，实无死错人。
佢叫左5样野，除左麻蓉包之外，都系普通酒楼有的，豉汁蒸凤爪、潮州粉果、鲜虾马蹄饺，以及排骨蒸陈村粉。
又估唔到㖞，样样点心都几有水准，凤爪卖相靓，唔会「㶶口㶶面」，又几JUICY几入味㖞。伴碟的花心都几腍。
粉果好大粒，落足料，好多粉葛，仲有3、4粒花生，唔似得有D酒楼咁，D粉果好似肌肉萎缩咁。
虾饺皮薄，马蹄爽脆，大小适中，一口一粒刚刚好，唔错！
排骨蒸陈村粉我只系试左粒排骨，无雪味，唔会太瘦，不过蒜味不足。D粉如果唔落豉油，会好寡口。
压轴登场嘅系... ...麻蓉包！！！
正呀！！！出面顶多只有卖莲蓉包、豆沙包、奶黄流沙包，好少有麻蓉包，仲要咁好食！
点好食法呢？麻蓉未食入口，已经闻到好香芝麻味。
一入口，唔～～～劲滑！香甜得黎又唔觉得腻，一绝！自己本来怕甜都觉得佢唔系好甜！可能系师傅知道麻蓉本身比较腻，所以特登整厚D个包皮，令到咬落去中和返。
哇～忍唔住冒住增肥嘅风险都要啪返两个先！
讲埋D茶叶，还可以啦，饮普洱无怪味怪色，已经不错。
你估下埋单几钱？
$101咋！比埋贴士都唔心痛啦！
张贴