甘甘好蔗 (已搬遷) 新店位置

平时不嬲有食开肥姐，今日见到佢隔离有间新开嘅蔗汁店，唔系咁多地方有得饮到蔗汁（仲要系鲜榨）点都要帮衬下佢 。呢度片有好多蔗汁嘅配搭，好有新鲜感，拣咗杯蔗汁拿铁同甘蔗清茶。甘蔗清茶饮落好清香，茶味喺甘蔗嘅衬托下更加香醇，饮落唔会净系得甘蔗嘅甜味反而有一种平衡，甜度亦源自新鲜嘅蔗，饮落非常润喉，清新好饮！另外蔗汁拿铁亦都系上意料之外嘅好饮，咖啡同蔗汁之间嘅味道配合得好好，唔会互相抢咗对方嘅味道，淡淡嘅咖啡清香加上蔗汁嘅香甜，值得一试！呢间蔗汁嘅包装同门面设计都值得一赞，个杯托仲有得抽奖（虽然我冇中奖😅），另外铺面嘅设计都好有型！