影片
更多
2024-05-20
98 浏览
母亲节我哋专登揾咗间中菜嚟庆祝，今次就拣咗有蔡澜加持嘅粗菜馆。一入到舖头大大只字亲笔提名写住炒猪什，梗系嗌一碟嚟试吓啦。佢哋嘅炒猪杂真系好正，炒得刚刚好，唔会太腍或者太硬，应爽则爽，应嫰则嫰！🤤我最钟意就系个炒猪润，好嫰好粉呀，仲要够哂镬气，同豉油既咸香完美配合，姜葱有画龙点睛既效果僻走哂我最怕个d 内脏既腥臭味，同埋讲真已经好少地方有得食炒猪杂得黎咁高质啦！🫢咁埋老细行开行埋，见我地系咁讲好正，仲好好人咁同我地倾下计，佢话原来呢碟炒猪杂用左三只唔同既猪既猪杂，我最爱既猪润系乳猪到黎，猪粉肠都系（因为仲系饮奶，未开荤，所以唔会有怪味），唔怪之得我平时好怕有猪肠，一试真系意料之外地咁正。而佢哋嘅招牌炒鱼腩亦都非常出色，肉质鲜嫩多汁，带有微微的鱼香味，真系一绝！加埋啲葱段同埋姜丝，更加增添咗味道。平时唔太肯食鱼既大仔都食左二大旧🤣听老细讲，佢地采用先煎后炸，封锁返鱼肉既鲜味，唔可以一嚟就猛火炸佢，或者好似而家好多餐厅为咗悭时间快出货落好多生粉包一层直接炸，令成个口感差哂，仲好重生粉味。听完真系觉得真系好有心机对待每一样食材，好欣赏佢哋！另外，最钟意饮汤既我叫左佢哋老火汤黎试一试。哗！个汤煲
一入到舖头大大只字亲笔提名写住炒猪什，梗系嗌一碟嚟试吓啦。
佢哋嘅炒猪杂真系好正，炒得刚刚好，唔会太腍或者太硬，应爽则爽，应嫰则嫰！🤤
我最钟意就系个炒猪润，好嫰好粉呀，仲要够哂镬气，同豉油既咸香完美配合，姜葱有画龙点睛既效果僻走哂我最怕个d 内脏既腥臭味，同埋讲真已经好少地方有得食炒猪杂得黎咁高质啦！🫢
咁埋老细行开行埋，见我地系咁讲好正，仲好好人咁同我地倾下计，佢话原来呢碟炒猪杂用左三只唔同既猪既猪杂，我最爱既猪润系乳猪到黎，猪粉肠都系（因为仲系饮奶，未开荤，所以唔会有怪味），唔怪之得我平时好怕有猪肠，一试真系意料之外地咁正。
而佢哋嘅招牌炒鱼腩亦都非常出色，肉质鲜嫩多汁，带有微微的鱼香味，真系一绝！加埋啲葱段同埋姜丝，更加增添咗味道。
平时唔太肯食鱼既大仔都食左二大旧🤣听老细讲，佢地采用先煎后炸，封锁返鱼肉既鲜味，唔可以一嚟就猛火炸佢，或者好似而家好多餐厅为咗悭时间快出货落好多生粉包一层直接炸，令成个口感差哂，仲好重生粉味。
听完真系觉得真系好有心机对待每一样食材，好欣赏佢哋！
另外，最钟意饮汤既我叫左佢哋老火汤黎试一试。哗！个汤煲一上台系滚嫁，打开煲盖，西洋菜阵味扑鼻而来，加埋够哂真材实料既猪骨，汤底浓郁，滋味浓厚，成煲汤真系好舒服，唔够我地分🤣 饮完令人感觉好温暖。
由细到大都好钟意食白鳝嘅我，见到佢哋好特别梅子蒸㖞，梗系叫嚟试吓啦。
梅子酱唔单止酸酸地吊起白鳝鲜甜，仲去咁啲泥味，鱼肉又够爽脆，真系好好食，梅子蒸排骨食得多，原来蒸鳝一样咁正，超钟意呢个配搭！
最后一味菜都令我有惊喜，就系莲藕炒猪颈肉，莲藕爽脆不在话下，猪颈肉应该系有炸过再兜香，外酥内爆汁，初初谂紧系咩味咁特别，系南乳啊！
完全冇谂过可以咁夹，可能系我见识少啰！
我未试过系猪颈肉兜莲藕原来加左南乳可以出奇地咁夹，成件事和而不同，配合得好好！
至于环境方面，粗菜馆嘅装潢简洁而舒适，气氛轻松自在，望住个装修起码都30年啰，真系有种返咗屋企感觉有种老香港嘅味道，如果你系游客可以嚟试呢种难得保存咗咁多年嘅老香港味道，因为连我呢种住咗香港咁多年都深深留下好好嘅印象，呢种精致屋企饭既感觉系其他餐厅俾唔到我。我系会再返转头㗎😏
题外话，当我喺附近其他九龙城驰名嘅餐厅食紧饭嘅时候，基于小妹个样太为食，三位太太不停话阿妹食得好开心㖞，一睇就知好钟意食野😂😂😂
就开始左倾偈，作为一个唔专业既食货，梗系问吓佢哋九龙城有咩好食🤤
佢哋二话不说就赞粗菜馆，特别系我觉得好出色嘅炒猪什，我话我已经食咗啦，佢哋即刻话，哗你咁识货嘅，倾倾下先知原来佢哋移民咗加拿大好多年，返咗香港旅游专登嚟九龙城回味过去！
佢哋仲以为我系游客，纯粹因为我新搬来唔熟路啫😂😂，同埋套用老公𠮶句，我啱啱出册（坐左月成个月）几日咋😂😂
张贴
