泓一拉麵

营业中

休息中

泓一系太子开分店，早就知道同红磡店走唔同路线唔同分格，而自己系钟意红磡店嘅清爽，就预咗未必好钟意太子店。第一次去就先食地鸡盐味拉面，面系日本近年偏好嘅超多水面，受制于香港水质同面粉新鲜度问题，面香必然较红磡店嘅麦粒面弱，但其滑度同面质的确系配合清汤底拉面嘅较佳选择。汤底明显较红磡香浓，相信系因为油份较多，初饮汤只有鸡汤和鸡油香，配面之后能够饮到W汤底的豚骨味，蕃茄干的香酸味能平衡浓厚感，亦能更带出汤底其他味道。香港的日式拉面和日本当地嘅拉面，差别最大其实就系油量，香港系远不及日本，而油/脂肪其实就系食物最主要香味来源，亦都系保存汤头温度嘅重点。今次泓一新店嘅油量增加咗，亦令到香味同风味更突出。两种叉烧均美味，其中烟熏鸡的烟熏味没红磡店的突兀，较柔和但更香，但两种叉烧同样太熟。吃到最后，汤头温度下降，饮汤后鸡油稍冷却会较稠但留在口中就有更香鸡味。期望能够继续进步！