麗島小廚 (已結業)

喺出面好多地方食鸡煲，用嘅鸡都唔需要好靓，因为个汤底嘅味道好浓，可以盖过唔靓唔新鲜𠮶啲肉嘅味道，所以真系冇谂过呢度用嘅鸡会咁靓。今晚食椰子鸡煲，鸡肉同汤底分开上，另外仲有个椰青畀你倒落个汤底度，睇到都已经觉得好滋润。滚起先饮头啖汤，佢啲鸡真系唔错，肉质嫩滑有弹性。饮完鸡汤食完一轮鸡之后就打边炉，我哋之后叫咗四样嘢食，分别有莲藕片、猪润、竹笙同埋油麦菜，呢度嘅竹笙好靓，食落去好爽口同埋最重要系冇一阵噏味。