達人烤肉 (已結業)

铜锣湾一带真系好多韩式烤肉店，愈开愈多，估唔到既系人流都相当劲，每到晚饭时间更加一位难求，讲既就系今晚黎到既达人烤肉。其实小妹真系唔常食烤肉，因为价位较高，有时用上几百蚊都好似食左阵风咁，确实肉赤，唔知今次呢间店又如何呢？.先讲返餐厅环境，布局同大多数既烤肉店差唔多，不过要赞既系冷气够凉，大热天时一边食住烤肉都唔觉热。.呢度同样有数款凉菜，包括芽菜、沙律同洋葱丝等同生菜可以免费添加，就连蛋浆都系，呢个反而唔多烤肉店做到，确系吸引呢。.芝士粟米都系另一个吸引之处，仲牵到丝架! 不过芝士味其实唔算浓。.另外仲有盐、甜辣酱同甜酸酱可沾烤肉食。.今次我地就决定要点套餐，分别有两个套餐，包括顶级套餐及特级套餐 $620/520，前者系3~4人份量，后者系2~3人份量。但睇落顶级套餐既3~4人份量都唔系好多食物，我地两个食肉兽最后就要左顶级套餐 (3~4人份量) $620，价钱唔平。.霜降牛肉色泽鲜艳，看到雪花纹的降霜牛肉，一碟有约六片，每片都切成长方形大小的。每片都煎至约七成熟就食，入口肉质颇嫩滑腍身，但就欠了一些肉味，唔够浓。.竹筒五花腩肉一整件的五花腩，需自行剪开再慢慢烧，而且腩肉颇厚身的。