影片
更多
2024-08-08
1022 浏览
买完波鞋，谂住揾一个地方可以坐耐啲嘅地方食饭。突然谂起金鸡广场有一间Cafe都有好多年历史，今日于是同朋友去食吓。上到去冷气非常凉爽，店员亦都好有礼貌，好快我哋入位坐。虽然只系7:30其实都已经好满。见到Menu嘅饮品选项非常之多，又热嘅果茶去到冻嘅奶昔沙冰都一应俱全，熟食方面相信佢哋应该系贵精不贵多，所以选择唔算话好多，我同朋友就拣咗晚餐食，加$38就可以有沙律同甜品度梗系加埋佢啦。首先先上场嘅系田园沙律，份量其实都唔细系有唔同沙律菜例如罗马生菜，蕃茄仔等等再配上芝麻酱。沙律菜非常新鲜爽口唔会话淋晒，芝麻酱嘅份量量都好适中，每$1菜都可以均匀咁捞到芝麻酱，又唔会比芝麻酱掩盖晒菜嘅味道。饮品都到咗啦，分别叫咗芒果奶昔同埋女皇，点餐嘅时候店员都好贴心文想要多啲cream，少啲cream定系要冇cream，我就拣咗少cream，芒果奶昔饮落去好滑口，唔会话好甜同好大浸化学嘅味道。而女王系玫瑰柠檬乳酪沙冰，佢嘅忌廉上面有一啲玫瑰花碎，所以食落去忌廉嘅时候都会有玫瑰嘅甜味。饮落去沙冰打得好匀，唔会话饮到一嚿嚿冰，酸酸甜甜好易入口，亦都系甜度适中唔会话系死甜嘅味道。主菜分别叫咗黑松露带子鲜菌烩意
首先先上场嘅系田园沙律，份量其实都唔细系有唔同沙律菜例如罗马生菜，蕃茄仔等等再配上芝麻酱。沙律菜非常新鲜爽口唔会话淋晒，芝麻酱嘅份量量都好适中，每$1菜都可以均匀咁捞到芝麻酱，又唔会比芝麻酱掩盖晒菜嘅味道。
饮品都到咗啦，分别叫咗芒果奶昔同埋女皇，点餐嘅时候店员都好贴心文想要多啲cream，少啲cream定系要冇cream，我就拣咗少cream，芒果奶昔饮落去好滑口，唔会话好甜同好大浸化学嘅味道。而女王系玫瑰柠檬乳酪沙冰，佢嘅忌廉上面有一啲玫瑰花碎，所以食落去忌廉嘅时候都会有玫瑰嘅甜味。饮落去沙冰打得好匀，唔会话饮到一嚿嚿冰，酸酸甜甜好易入口，亦都系甜度适中唔会话系死甜嘅味道。
主菜分别叫咗黑松露带子鲜菌烩意大利饭，同烟三文鱼忌廉蕃茄酱扁意粉。两款食物上枱嘅时候都系热辣辣冒烟，先讲意粉，烟三文鱼包到成朵玫瑰花咁样，已经好适合打卡，而烟三文鱼拆开之后份量都唔小，都有好几大块，而且食落唔会腥，配上意粉食非常夹。意粉烹调嘅熟度非常好，有烟靭嘅口感，亦好容易挂到汁，食落去酸酸甜甜，酱汁调校得好好，唔系只得蕃茄一味嘅酸，蘑菇亦都唔会煮到偏腍会有少少咬口。而黑松露意大利饭一上枱嘅时候成个黑松露味已经扑面而来。佢嘅带子系用小贝去煮，唔会煮到过熟，食落去都系嫩口。佢嘅酱汁同饭好完美咁样融合埋一齐当中亦都有一啲洋葱咬落去仲有微微脆口嘅感觉，加配埋软糯嘅意大利饭相得益彰，口内充斥黑松露嘅香味，齿颊留香。
最后就系甜品分别叫咗法国朱古力蛋糕同蓝莓芝士蛋糕。两个蛋糕嘅摆盘都非常之精致，芝士蛋糕甚至有一个好似叉嘅印喺度。法国朱古力蛋糕非常之湿润软熟，有好浓厚嘅朱古力味味道，蛋糕有两个层次喺最底嘅海绵蛋糕上面会再铺一层朱古力酱先再铺上一层嘅海绵蛋糕，好有心思，而朱古力味都系十分之足够。而芝士蛋糕上面嘅就系蓝莓酱，芝士同埋饼底唔会太硬，一齐食嘅味道亦都系甜度适中，芝士亦都系好滑口，再配忌廉嚟食，亦都系令到成个蛋糕有更柔和嘅感觉。
食完晚餐之后仲可以喺出面嘅柜拎一啲唔同嘅桌上游戏挽，为晚餐带来一个结尾。
张贴
