餃掂手工餃子雲吞專門店

夜晚过嚟帮衬呢间好耐冇食嘅饺子店，墙上嘅挂画换了一些，店员阿姐依然笑容满面，店内人气亦不减。～对佢哋嘅汤饺情有独钟，叫咗粟米同埋大白菜各10只，仲有龙凤松茸双灼饺等。粟米香香甜甜口感爽脆，大白菜就系清甜嘅感觉，𠮶个甜味同粟米嘅甜有少少唔同，猪肉味就会相对重一啲。两款饺都好高质，不过我最钟意都系满布黑白松露嘅龙凤松茸双灼饺，毕竟价钱唔算好贵得来又带点高级奢华感，坊间冇乜地方可以食到。～最近天气好热所以另外叫咗碟冰冰冻冻嘅四川凉面，呢款凉面胜在质感弹牙，辣酱加麻酱，仲有少少花生碎同埋青瓜丝，整个配搭口感丰富，而且真系好啱夏天食。～最后就系蜜饯鸡翼，呢款鸡翼系我心目中最钟意嘅鸡翼之一，除咗M记嘅脆香鸡翼之外，几乎无可匹敌，甜甜蜜蜜，再带点酱油咸香，令人一只接着一只停不下来。～～～🥢饺掂手工饺子云吞专门店 📍西环士美非路12号文光阁地下C号舖