影片
更多
2009-11-05
5 浏览
本人平时真系好少去九龙食饭，但系由于要就喺九龙塘做野0既娘亲，千拣万拣之下最后拣左呢度。入到里面，发觉枱与枱相距并唔远，但系听落并冇话好嘈0既感觉，所以觉得呢度无论系同朋友定系同客食饭，环境都算系唔错。骤眼睇个MENU，点解同北京楼𠮶个好似冇乜分别0既 - 再睇番枱上0既湿纸巾，先至发现原来呢度都系美心集团旗下食肆。由于自己离食早餐时间唔耐，加上娘亲一向细食，所以是日菜式并唔多，如下 : 杭州芳香素腐方 ; 嫰鸡煨面 ; 蒸素饺 ; 讲紧0既杭州芳香素腐'方其实应该即系冻腐皮。呢个冷盘系成餐饭最好0既部份，作为头盘，本人认为系一个唔错0既选择，因为喺一般上海料理店未必可以食得到。 接住个嫰鸡煨面就真系令我意外得很。第一眼望落去，根本望唔倒有任何鸡... 心谂系咪佢地将鸡放左喺底，点知进行快速打捞并无收获 ... 睇真D，发觉原来有少量鸡粒 (连鸡丝都简直讲唔上)，不过心谂D鸡唔系咁贵卦，你会唔会孤寒左少少? 不过，其实其他的包括汤底以及面质都算系一般，中规中举，不过 ... 呢个嫰鸡煨面会唔会真系削左D呢。 之后黎0既系蒸素饺。由于个煨面，对个蒸饺都冇乜特别期望，可惜一啖咬落去，都唔
入到里面，发觉枱与枱相距并唔远，但系听落并冇话好嘈0既感觉，所以觉得呢度无论系同朋友定系同客食饭，环境都算系唔错。
骤眼睇个MENU，点解同北京楼𠮶个好似冇乜分别0既 - 再睇番枱上0既湿纸巾，先至发现原来呢度都系美心集团旗下食肆。
由于自己离食早餐时间唔耐，加上娘亲一向细食，所以是日菜式并唔多，如下 :
杭州芳香素腐方 ;
嫰鸡煨面 ;
蒸素饺 ;
讲紧0既杭州芳香素腐'方其实应该即系冻腐皮。呢个冷盘系成餐饭最好0既部份，作为头盘，本人认为系一个唔错0既选择，因为喺一般上海料理店未必可以食得到。
接住个嫰鸡煨面就真系令我意外得很。第一眼望落去，根本望唔倒有任何鸡... 心谂系咪佢地将鸡放左喺底，点知进行快速打捞并无收获 ... 睇真D，发觉原来有少量鸡粒 (连鸡丝都简直讲唔上)，不过心谂D鸡唔系咁贵卦，你会唔会孤寒左少少? 不过，其实其他的包括汤底以及面质都算系一般，中规中举，不过 ... 呢个嫰鸡煨面会唔会真系削左D呢。
之后黎0既系蒸素饺。由于个煨面，对个蒸饺都冇乜特别期望，可惜一啖咬落去，都唔好讲话要有汁喇，直情觉得佢系干争争，感觉好似干蒸咁，一D水份都冇 ... 乜原来蒸饺系咁0架咩 ?!
其实按本人平时食呢个集团0既饍食黎计，呢餐都可谓低于水平；其中呢个嫰鸡粒煨面更系一试难忘。不过希望今次只系一时失准，而我有机会0既话都会再帮衬，希望下次会改善啦。
张贴
