鮨真 (已結業)

星期日约左好朋友食饭，因为我地都喜欢食日本嘢，就决家试下呢间系尖沙咀亚士厘道20楼既Omakase厨师发板餐厅。一坐低就被餐厅开扬既环境吸引左，对住维港景色，加左好多分。我地拣左个叫樱既set($1480)，有前菜、刺身8点、寿司6贯、和食二点、季节汤、水果、甜品。前菜: 土佐啫喱配三文鱼子及松叶蟹肉， 配青瓜芝麻酱。土佐啫喱可以先清一清味蕾，水母口感爽口，三文鱼子同蟹肉都好鲜甜，唔腥。刺身8点: 分左两碟黎， 刺身口感爽口，有海水鲜味。其中特别好味既系秋刀鱼和鲭鱼，会配上日式姜葱豉油，仲有D香草夹在鲭鱼中间，感觉清新惹味！左：章红鱼中：右口鱼右：太刀鱼右前：右口鱼边左下：秋刀鱼右下：鲭鱼左上：拖罗右上：牧丹虾和食二点: 酱油烧带子， 带子大粒厚身，煎到约半生熟，酱油味将带子鲜味带出，刚刚好，夹著紫菜一起吃，好好食！姬小鲷天妇罗: 天妇罗系外脆内软，炸完仲食到姬小鲷既鲜味。寿司6贯: 左至右系深海池鱼、白虾、赤贝、姬鱼、海胆、右口鱼边。寿司好食，好大件新鲜，其中右口鱼边用火炙后，令右口鱼边更香，入口即溶。白虾又甜又有非常鲜味。季节汤:面豉汤加巨型蚬， 蚬肉又大又厚，好鲜甜。水果: 北海