簡品堂

营业中

休息中

陪朋友买生日蛋糕，见到入面有咁多选择，点知买下买下买左咁多，其实成日都见到呢间舖头，不过次次都见到咁多人冇乜心机拣，今次陪朋友嚟等蛋糕，反正有时间就跟人哋买来试吓。面包全部独立包装，我最钟意食呢个芋泥肉松面包，入面除咗有好多芋泥仲有满满嘅肉松同埋麻糬，口感非常满足。另外小朋友估唔到可以食到一盒两个Oreo波，麻糬波烟烟韧韧但面包上面嘅Oreo又脆卜卜，小朋友非常钟意。糯米糍亦都系我非常惊喜嘅地方，因为佢做得非常软糯，而且馅料好多，朱古力入面有少少脆米，配埋好软熟嘅麻糬一齐食，饭后甜品真系一流。曲奇同埋蛋卷系我听店员讲话系非常热卖，加上我见到近期大热嘅压扁牛角酥，下午茶食佢啱啱好，脆卜卜加埋朱古力，止口痕。曲奇每日新鲜制造非常香口，蛋卷亦十分惊喜，好酥脆而且浓浓嘅咖啡味，呢间面包舖长期排队，一试之下终于明白点解咁受欢迎。