影片
更多
2009-09-09
29 浏览
SEP 6,2009 (SUN) DINNER $241今晚有好多电视节目想睇，个个都唔愿去街食，于是叫PIZZA HUT医肚算吧！最近新推出有个FUN茄狂热套餐，有信用咭优惠，又无咩特别想食，于是乎就试试看吧！落咗单先发觉原来而家改咗由置乐花园送出！本想自取9折悭返 $24，好彩佢地叫住我，唔系原来咁远路真系搭车都要钱啦！HSBC信用卡外送速递2人套餐 $213宽面点点批(大批)配秘制蕃茄Salsa酱 ~ 配佢个头咩都唔记得送啲酱嚟！PIZZA上面只系舖咗几粒仔半颗嘅车厘茄、几片焗成极迷你嘅青瓜仔干【差D发觉唔到】、仲有好丁点真系好丁点嘅好似系鸡肉粒嘅肉粒&几条宽条面，可能俾D人可以顶肚饿呱！不过真系送到嚟已经又腍又微冻，个样又唔讨好，大家都非常咁 … … 咁唔欣赏la！蕃茄酱肉丸宽条面 ~ 呢样系全个餐最好食呢！系仲热嘅！肉丸又好味仲有4粒添刚好够分，唔驶争食！宽条面里好多蕃茄汁，捞匀后好正！一阵就食哂lu！小食滋味盒配鸡软骨 ~ 包括：2件香草包条 + 6件笑笑薯饼 + 6件鱼手指 + 2串鸡软骨配茄汁，亦都系全是冻的！香草包味道几好，如果热应该会仲好味！笑笑薯饼个样就几得人欢心
今晚有好多电视节目想睇，个个都唔愿去街食，于是叫PIZZA HUT医肚算吧！
最近新推出有个FUN茄狂热套餐，有信用咭优惠，又无咩特别想食，于是乎就试试看吧！落咗单先发觉原来而家改咗由置乐花园送出！
本想自取9折悭返 $24，好彩佢地叫住我，唔系原来咁远路真系搭车都要钱啦！
HSBC信用卡外送速递2人套餐 $213
宽面点点批(大批)配秘制蕃茄Salsa酱 ~ 配佢个头咩都唔记得送啲酱嚟！PIZZA上面只系舖咗几粒仔半颗嘅车厘茄、几片焗成极迷你嘅青瓜仔干【差D发觉唔到】、仲有好丁点真系好丁点嘅好似系鸡肉粒嘅肉粒&几条宽条面，可能俾D人可以顶肚饿呱！不过真系送到嚟已经又腍又微冻，个样又唔讨好，大家都非常咁 … … 咁唔欣赏la！
蕃茄酱肉丸宽条面 ~ 呢样系全个餐最好食呢！系仲热嘅！肉丸又好味仲有4粒添刚好够分，唔驶争食！宽条面里好多蕃茄汁，捞匀后好正！一阵就食哂lu！
小食滋味盒配鸡软骨 ~ 包括：2件香草包条 + 6件笑笑薯饼 + 6件鱼手指 + 2串鸡软骨配茄汁，亦都系全是冻的！
香草包味道几好，如果热应该会仲好味！
笑笑薯饼个样就几得人欢心，但个心咬落唔系几好食感觉好粉，由于太冻嘅关系，系极难食嘅！
鱼手指外表唔吸引，不过冻得嚟都还可以，但当然唔可以话好食喇！
串鸡软骨唔知点解系微暖㖞！不过最搅鬼系鸡肉串，唔系鸡软骨嚟！
蕃茄汤两客 ~ 好浓好热仲好多材料，蛮不错！
木糠布甸两客 ~ 味道浓郁，布甸都几滑，yummy！
网上惠顾外送速递满$180嘅免费优惠：
焗粟米肉酱薯蓉 ~ 热烘烘的！但薯蓉唔够滑！
威尼斯甜奶油迷你批 ~ 好味过个把鬼嘅新产品pizza多多声，起码系热嘅，仲好香添！跟咗一小盒炼奶点嚟食，正㖞！
升级优惠：
秘制鸡槌 $28 ~ 呢个鸡槌好入味，好多黑椒喺上面，我最钟意食黑椒好啱我！
其实个2人餐两个人都要食量惊人先可以食得哂！我哋4个人食份量都太多！
不过迟咗成半个钟头先嚟到，总共等咗1个半钟冇多冇少，真系饿死人！打电话去问，佢地嘅解释系无车送嚟㖞！！！一早整好哂！怪唔得有啲嘢嚟到冻哂啦！真系好意思话俾人知！唉！！嚟到D嘢全部腍哂！！个PIZZA就最难食，系好微好微暖又腍又湿，好似食紧隔夜面包咁！又唔记得拎佢个餐嘅卖点Salsa 酱嚟！外卖速递话又无车又远路，真系要啲时间架！咁你公司自己谂啦！仲咩餐具都无添，唔知以为好环保，其实系唔记得俾我呀！
好似话新屯门中心即将会开返一间，未开之前都唔会再帮衬！因为佢地又唔够车，又嫌远，咁点做外送速递呀！真系辛苦哂打工𠮶班车手呀！！真系好好反映出揾食艰难呀！成件事都唔系佢地错！但我相信佢地送到D嘢食俾人，一定好受气！仲要笑住口SAY SORRY！帮公司解释！所以我系有俾贴士嘅！因为系对事唔系对人嘛！佢真系好好礼貌架！值得一赞！
张贴