有緣小敍

营业中

休息中

感觉香港嘅(中国)地方菜餐厅普遍唔系咁长寿，难得呢间两年前食过嘅陕西菜宜家都仲喺度。喺elements睇完戏过嚟，都系行十分钟左右，10点last order，9点50分冲入嚟好彩仲有得嗌。biang biang 面真系唔知biang嘅广东话点读。5cm阔嘅面，成碗一条过，捞埋炸紫菜同大量辣酱，感觉上味道同喺西安食嘅唔系咁似，不过喺香港都算好特别。陜西凉皮陜西菜唔系食面就系食面，不过的确将面整到出神入化，而凉皮系其中比较常食嘅。同沪菜或者川菜嘅粉皮相比，比较厚实，边个好食啲就见人见智，亦不妨一试。莲藕炒肉莲藕切得好薄，非常爽脆。香得嚟有少少暗辣，辣得嚟又唔会食得好辛苦，有湖南味道肉夹膜虽然系陕西名物，不过大陆周街都有得食，而质素实在差天共地。好期待试下味道如何，可惜有啲失望。块膜系唔错，目测见到烘底，食落亦有脆边。可惜入面嘅肉实在有进步空间，出色嘅肉夹膜啲肉系整到入口整融，而呢个距离软烂醇香嘅感觉差好远，肉汁亦唔够，食落好干