自助山

营业中

休息中

呢间buffet好巴闭，电话叫「长期唔通」，网上订位一日800个额，仲以为去紧一间咩豪华高尚餐厅终于同老公今晚「有幸」食到!我地未够6点到达，不过就要等到6点半先安排上62楼就座，所以早到都作用不大，一到6点半齐齐排队上62楼，仲要一架lift只入到9个人!入座后，第一时间去攞龙虾，蟹脚同生蚝，都几新鲜, 我地食左4，5转都仲好新鲜，排队都系一阵，算快青苹果沙律好开胃，酸酸地，唔错热盘都ok, 有烧牛肉，蒸鱼，泡菜牛尾，基本上唔难食又唔系非常好食，属一般啦！佢个杞子螺头汤好清甜，我同老公都觉得好好饮，仲要烧鹅肝好香口，入口即溶，唔重膶味，必食讲到甜品，我有少少失望，品种太少，个炒雪糕无乜特别，仲要每次俾一啖你，就算雪糕球都超细个，一啖就无，稍为推介系件香蕉朱古力慕丝蛋糕同香橙朱古力挞，仲要件几得意嘅辣椒蛋糕，我初初以为入口会好辣，又唔系㖞，系到吞果下喉咙有少少庆热感觉。单讲食物整体莅讲算合格，但如果计埋订位，电话长期唔通，网上订位又设上限，超难订位情况下，完全唔合格，要超谷气咁订位食一餐700蚊一位嘅buffet，我个人莅讲唔觉得佢值同咁巴闭啰！