茶舍 (北帝街)

营业中

休息中

中大伏！拣咗张单人台，坐低畀伙计要求转同人搭细台，但完全冇商量。转去嘅台面仲有食物残渣未清，要要求伙计先肯执。并且完全冇同搭台嘅人打过招呼，搞好耐。点咗龙虾烩意饭，一上菜先知唔系餐牌上印嘅图咁一只，系半只！食落就更大镬，不单止龙虾有沙，而且仅有嘅一小旧虾肉完全嚼唔烂，亦冇咩入味，放低旧虾肉，扒两啖饭，亦有沙沙嘅感觉，并且发觉饭还饭，汁变汤咁！餐饮点嘅芒果沙冰之类，转台𠮶位伙计居然送错去我原先𠮶张台⋯⋯ 然后转送过来 已经泻咗出来，搞到张台都有，就若无其事离开。饮咗一啖感觉味道都唔对路，于是起身、买单走人。收银台居然问都唔问要唔要打包（虽然我一定唔会）就收钱。呢间餐厅无论服务定餐食都系完全唔入流，亦冇评论中讲嘅咁抵食，简直就系垃圾，我保证我及我啲亲朋戚友绝对唔会再帮衬佢！唔讲喇，去附近粥铺医肚先。