119韓國站 (已結業)

呢间餐厅星期一至日都大排长龙，今日5:40pm去攞飞，期望试试有咩咁巴闭! 谁知，中伏了 先来个水冷面$48，汤底系清水加酸冰，面质黏埋，唔滑唔爽。出名嘅芝士炸鸡 $198，卖相唔错㖞，点知...炸鸡平平，上面哜了甜忌廉，下面芝士汁水流流太淡，中间有堆酸酸地嘅甜蕃薯，整体味道，怪! 咖哩芝士年糕$58，十条年糕数得哂，加一个普通咖哩汁。芝士焗茄子，卖相也不错，点知，一口食啖茄子..."宿"咗，天气太热啦，话俾服务员，佢系到"闻"话无"宿"，可能你哋食唔惯呢种味...请问这个𩠌有咩咁特别? 唔通你啲食物就是"宿"味?! 牛肉拌饭$88，正正常常，牛肉粒粒大个花生小小，服务员企系到炒，但佢应该系唔识煮嘢，咁细粒嘅牛肉唔洗煎咁耐啦，但佢又忽略了铁板上的饭及其他材料，点知闻到㶶味，唉…最后一条烧鲭鱼$88，是全条的，不错㖞，但是烧的，为何鱼皮是湿的，好腥，一啖超喊，一啖淡口，仲见粗盐粒系鱼身...虽叫了一枱食物，因好肚饿就硬著头皮食，但真的很难食 总结: 食得意，食卖相，食韩风，食装修，食吵耳的韩国歌，如你肚饿就唔好去，要排队食更会一肚气。