影片
更多
2016-05-07
1660 浏览
第一次不满到食完要写食评，希望街坊们不要中伏！因为自己好钟意食韩国嘢，加上呢间嘢离屋企廿步之遥，所以佢初开张已经和老爸去试dinner，点了kimchi炒饭，蛋锅，海带汤等等，点知得个炒饭入得口！蛋锅好老，同韩国食的差太远，海带汤咸到不行，我在香港其他任何一间韩餐馆食都好过佢！事隔至少一年, 呢间铺头依然日日长龙，我星期六lunch 想俾多次机会佢, 点左个牛饭，个menu 一睇已经好离谱，连茶都要另外加钱（韩国的话固然免费任斟，而且食乜都有小拌菜同汤）以韩国标准来比较可能唔公平，咁以香港地一个48蚊牛肉饭来评价吧，你当然期望佢好过吉x家, 殊不知，饭粒硬到唔想食，分明系隔夜到唔隔夜，啲牛肉好un，要咬劲耐，我心谂even 以前大学时期食嘅颓饭都好过佢。。。食了一半，真不想再作贱自己，返屋企用osulloc绿茶酱整多士食无咁嬲！卖单居然仲收加一，水都无杯，服什么务呢？永久black list.ps 坐我旁边的夫妇食了呢度主打的鸡，也跟店员说太甜，我心想主打菜也不能令人吃得津津有味, 真不知大家为何要排队！我打这篇是想奉劝未食过的西环街坊唔好去了，虽然西环韩食选择少，但有地铁了，出西环食
因为自己好钟意食韩国嘢，加上呢间嘢离屋企廿步之遥，所以佢初开张已经和老爸去试dinner，点了kimchi炒饭，蛋锅，海带汤等等，点知得个炒饭入得口！蛋锅好老，同韩国食的差太远，海带汤咸到不行，我在香港其他任何一间韩餐馆食都好过佢！
事隔至少一年, 呢间铺头依然日日长龙，我星期六lunch 想俾多次机会佢, 点左个牛饭，个menu 一睇已经好离谱，连茶都要另外加钱（韩国的话固然免费任斟，而且食乜都有小拌菜同汤）以韩国标准来比较可能唔公平，咁以香港地一个48蚊牛肉饭来评价吧，你当然期望佢好过吉x家, 殊不知，饭粒硬到唔想食，分明系隔夜到唔隔夜，啲牛肉好un，要咬劲耐，我心谂even 以前大学时期食嘅颓饭都好过佢。。。食了一半，真不想再作贱自己，返屋企用osulloc绿茶酱整多士食无咁嬲！卖单居然仲收加一，水都无杯，服什么务呢？永久black list.
ps 坐我旁边的夫妇食了呢度主打的鸡，也跟店员说太甜，我心想主打菜也不能令人吃得津津有味, 真不知大家为何要排队！我打这篇是想奉劝未食过的西环街坊唔好去了，虽然西环韩食选择少，但有地铁了，出西环食有大把选择啦。。。
张贴