星洲名廚 (已結業)

以前都食过几次，每一款餐都系越黎越难食，楼面阿姐既服务态度更加系世界级既恶劣，永远唔会再帮衬，费事贴钱买难受。🙄咖哩牛腩饭 ：啲咖哩稀到好似水咁，食落一啲咖哩味都无，成碗牛腩夹杂左劲多肥膏，啲白饭冻到好似冷饭咁，完全唔值咁贵，普遍茶记同快餐店都有水准过佢。猪颈肉叻沙：汤底一啲应有既南洋风味都无，每一啖啲香料渣多到非常影响口感，神奇地见到咁多香料渣，但个汤底又系超级淡，食完仲会好口渴。饮品：试过所有热饮，无论系热柠茶、拉茶、咖啡，全部都系白滚水黎，一啲味都无，仲系摄氏100度𠮶个，就算杯热饮放左成餐饭时间，都会辣伤咀。讲到服务态度，楼面阿姐就算劲得闲都好，都唔会帮你落单，扮见你唔到。到终于落到单，漏单一定系永恒既定律，楼面阿姐一句唔好意思都唔会讲。阿姐同收银老板娘态度恶劣到，觉得催单系客人错，唔催更加系客人自己问题，老冯觉得你俾钱买嘢食，钱一定照俾，但野食/野饮唔一定要俾你食，世界级逻辑。明明叫热柠茶，老屈你几次系叫冻柠茶，阿姐落错单，厨房做错嘢，错误差额永远系客人买单。收银仲会成日偷偷地将你张单变贵，借啲依收贵你，唔检查清楚张单都唔知会俾多左几多冤枉钱。💸成间餐厅同服务，两个字，垃圾。