竹 (已結業)

平时都会请家姐去食好西庆祝生日，今年就决定去Ta-ke食Omakase，注定要大失所望。我地叫坐最贵嘅Omakase lunch set，前菜份沙律超颓，系百零蚊喺街边西餐厅食到套餐前菜嘅质素，茶碗蒸则正常。轮到师傅嘅手办寿司，用嘅鱼无特别，其中一种鱼完全系咸鱼嘅味道。全部寿司嘅鱼生都加左劲多酱油，仲有预先加左劲多Wasabi，除咗之前果款味道似咸鱼嘅寿司之外，食唔出鱼本身嘅味，好怀疑佢系用调味去遮盖鱼生本身嘅问题。至于海胆系可以嘅，冇食到明矾嘅味。整体黎讲，我宁愿食千两。最近睇到蔡澜评论本地Omakase，讲到好多嘅质素远远不值所需价钱，只好有在这里留个负评。最后朋友给我一句警世之言，容易订枱的Omakase不要去，互勉。