影片
更多
2015-03-19
2264 浏览
收到中学好友将快结婚嘅消息, 好替佢开心, 今日约埋几位同学仔交收手信之余又紧系要食个下午茶倾吓偈聚旧, 听吓佢准备婚礼嘅趣事, 紧贴住openrice嘅我, 知道荃湾开咗Labmabe cafe, 当然唔会错过!!Lab made cafe店有多张小圆台及舒适嘅櫈, 比食客慢慢享受各款甜品, 感觉一啲都唔似商场扶手电梯下角落嘅铺头!法国 Valrhona 热朱古力 $36 (5/5)一早已经留意住呢到嘅热朱古力, 引入法国品牌朱古力粉, 再自家调味, 味道香浓, 当然有别于普通嘅朱古力粉哈哈, 饮到杯底仲系到闻朱古力遗留嘅香味, 如果点少甜会更切合原来嘅味道, 令人想一试再试 点咗Strawberry cheese tart, Earl grey opera, Green Tea opera三款, 睇落味道款式丰富, 以下逐一介绍 Earl grey opera $32 (2.5/5)先试个较淡味嘅伯爵茶蛋糕, 店员话今日系第一日开卖, 我咃可以先试到真系好彩, 哈哈但茶味唔系好出 >< 甜度就中规中矩Strawberry Cheese tart $28 (4.5
Lab made cafe店有多张小圆台及舒适嘅櫈, 比食客慢慢享受各款甜品, 感觉一啲都唔似商场扶手电梯下角落嘅铺头!
法国 Valrhona 热朱古力 $36 (5/5)一早已经留意住呢到嘅热朱古力, 引入法国品牌朱古力粉, 再自家调味, 味道香浓, 当然有别于普通嘅朱古力粉哈哈, 饮到杯底仲系到闻朱古力遗留嘅香味, 如果点少甜会更切合原来嘅味道, 令人想一试再试
点咗Strawberry cheese tart, Earl grey opera, Green Tea opera三款, 睇落味道款式丰富, 以下逐一介绍
Earl grey opera $32 (2.5/5)先试个较淡味嘅伯爵茶蛋糕, 店员话今日系第一日开卖, 我咃可以先试到真系好彩, 哈哈
但茶味唔系好出 >< 甜度就中规中矩
Strawberry Cheese tart $28 (4.5/5)食咗三款蛋糕觉得最好食系呢个, 挞皮好脆, 做得好细心, 面层忌廉芝士好流心, 低层较杰身好似纽约芝士蛋糕, 好香奶味, 令我不停偷食朋友𠮶份
Green Tea opera $32 (3/5)长条形睇到层次分明, 面头有一阵令身鱼胶, 睇起上黎更加引人, 有绿茶mousse及绿茶蛋糕, 夹心有层红豆蓉, 食落偏甜, 浅尝还可
Green Tea opera
$32
36 浏览
1 赞好
0 留言
之前天气冻, 容易感染感冒, 都想饮啲姜汁驱寒, 如果怕姜太辣嘅朋友不妨试下呢到嘅姜汁好立克! 闻落好香姜味, 因为好立克有基本甜味, 唔会太辣, 饮完都几暖胃饱肚
Latte $31 (3.5/5)无谂住雪糕店嘅出品都咁有心思,有五层心形拉花, 饮落会太烫口, 唔错
火山蛋糕 $88 (4.5/5)期待已久嘅火山蛋糕我地黎啦!!! 系cafe刚开业时已经有好多朋友仔食过, 做足功课清楚玩法啦, 嘿嘿
店员将细粒干冰放入火山洞里面, 上枱时, 会跟埋暖暖嘅蜜枣, 用化学瓶装起, 食客负责倒入去, 好有系实验室Lab Made嘅感觉
即见化学作用(有种科学家上身嘅感觉!), 火山出现大量白烟, 我谂我到几多岁睇都会咁兴奋
火山系朱古力mousse蛋糕, 心急嘅可以食住先, 中间要等烟停咗先好食呀!全份都唔太甜, 朱古力浓度啱啱好, 有得玩有惊喜又好睇
另外Lab made同黑暗中对话合作, 推出了四个神秘味道, 用黑色做掩饰, 俾客人试下用嗅觉味觉分辨味道, 请放心, 唔会好似哈利波特中嘅怪味糖! 哈哈, 试完可以系lab made facebook 专页回答问题, 就会得到暗中作乐预演门票两张!!
看不见的味道 $30 (3.5/5)食嘅时候两位朋友都话系黑芝麻味, 傻猪喇, 俾颜色呃咗喇! 当你合埋眼, 就会知道系咩味啦, 哈哈!!
答案系绿茶味 茶味都几清新, 可能怕食客太容易估中, 味道较淡, 唔甜, 都ok
苹果金宝$44 (3/5)平时苹果金宝都系热食, 试下雪糕做嘅先! 食落味道好似苹果批, 雪糕感觉细密, 好有牛奶雪糕嘅质感, 苹果味好香, 夹埋上面啲脆脆食, 真系好似苹果金宝
推介此餐厅 4.5/5 本地品牌, 好钟意呢间餐厅, 如果件装蛋糕味道可以更创新就好平均消费$87, 4个人, 3饮饮品+4个蛋糕+2个雪糕
Lab Made 分子雪糕专门店 Lab Made Cafe
荃湾众安街68号荃湾城市中心一期2楼
Tel: 2670 0071
Labmade cafe 分店: 铜锣湾
张贴
