大班麵包西餅 (已結業)

因为同事生日,秘书小姐特登订左个生日蛋糕,即日订即日取,十分新鲜!原来唔系间间大班可以即日做晒,系因为呢间大班自设饼房先得,而且一个钟后有得,又真系好快㖞!要左个朱古力杂果蛋糕,仲话有个名堂叫雪姑七友,何解?原来七友系指蛋糕面有七大粒士多啤梨!呢七粒士多啤梨又真系比一般大粒,而且每粒都有一半涂上白朱古力,好在味道唔酸,不过又唔系好甜㖞,ok啦,反而舖满蛋糕面中央既蜜桃就又甜又多又好味。朱古力味既蛋糕真系好鬼软熟呀!比起上次食果个普通味蛋糕胜一筹,因为有朱古力味,的话好味好多,而且朱古力得黎唔会太甜,个蛋糕边又有少少朱古力碎,但系又系唔太甜果只,几好!杂果份量一般,唔会好多,但唔算太少,合理。稍逊既系,太多忌廉喇…印象中,大班既蛋糕一向多忌廉,其实唔系咁好…太多喇!不如减下忌廉份量,俾多少少杂果我呀!哈哈!