摩登堂 (荃灣廣場) (已結業)

今日同朋友庆祝佢生日，因为佢好钟意食泰国菜，就带左佢去荃湾呢间泰式餐厅食饭，一去到门口就见到好多人排队，睇黎人气好高，入到去见到menu都几吸引，睇性价比几高🙆🏻‍♀️首先，点左冬阴功红虾汤，2位用黎讲份量都几多，汤辣得黎好过瘾，应该落左好多香料，所以好惹味，红虾大只又嫩。🦐我地仲点左手工无骨海南鸡 (半只)，鸡肉好嫩滑，去掉骨食落好方便，点埋酱料之后更加美味。🐓之后，我地点左曼谷醉猫炒金边粉，炒得非常干身，上面有啲蛋丝，超大只虾好吸睛，仲有洋葱、肉碎等配料。🍝最后，点左泰国奶茶雪山刨冰船，泰式奶茶好浓又好甜，入面有超多珍珠、水晶、益力多珠珠，旁边有啲多士，上面仲有奶盖，卖相超吸引。🧋