Stickhouse (已結業)

海港城行街經過，門面放滿雪條好吸引，店員幾友善笑容很好。店員推介咗一條開心果味雪條，仲可以定製裝飾，幾特別。開心果味雪糕係比較少見，雪條隻綠色襯啡色賣相特別，亦幾吸引。聞起上來，好有堅果味帶啲朱古力香，咬第一口，口感有驚喜! 奶滑中帶沙，微堅果口感，食到開心果味，但再咬第二口連埋朱古力食，可能我唔太食甜，感覺真係甜到封喉，如果可以減甜會好香幾好食，可惜。員工笑容亦甜，服務非常好。