風信子甜品 (已結業)

今日行开慈云山，经过风信子。因为见到menu有咸有甜，于是决定同朋友一试。今次点左个芝士焗薯条，芝士味几浓，可惜薯条唔够脆，但总体来说非常不错。而火龙果益力多冰味道非常清新。另外我地亦叫左个心太软配蕃薯雪糕。心太软有啲过熟，唔够流心，但味道甜度刚好，唔会太腻亦唔会太苦。雪糕非常特别，质感唔似一般雪糕，有少少烟硬，味道真系好似真蕃薯，初初以为系店家自家制，点知原来系日本雪糕。店家仲比左细细一球柚子雪糕我地试，味道非常吸引，好似真嘅柚子，又无左阵苦涩，有种饮紧凉浸浸嘅柚子蜜嘅感觉。即使慈云山对于我嚟讲一啲都唔就脚，但我绝对会为左个雪糕再嚟一次。