百味堂‧鐵 (已結業)

喵奴一家去K11 Musea行街，见到呢度有百味堂，门口仲排晒队，原来系日本白桃牛奶雪糕强势回归！哗！牛奶雪糕再加原个日本山梨县白桃，谂起都流口水。我哋都当然唔执输叫返杯试吓啦，未开始影相两位公子已经虎视眈眈，双眼望住杯雪糕发晒光。日本桃果然系特别清甜多汁，仲有香滑美味嘅牛奶雪糕，实在令人欲罢不能。两位公子食到停唔到口，我同老公争啲冇得食，最后要拎走佢哋匙羹先得，呢杯日本白桃牛奶雪糕争啲酿成家庭纷争呀。