Tokyo Secret 味之藝術 (已結業)

行开尖沙咀利时，天气热辣辣，见到大大个雪糕牌系前面，一于去食下雪糕降降温。门口都好多客人买紧，睇下个种类唔多，分左雪糕类同埋饮品类。样样都好吸引，餐牌上面有个大大个泡泡好得意，而且佢好似系绿茶雪糕，钟意绿茶既我就拣左森之树林。另外就叫左一个写住期间限定既枫之火焰，试下佢既限定产品。实物卖相真系好得意，上面个泡泡原来系棉花糖黎，而且仲洒左d爆炸糖，食入口既时候爆爆下好特别。食完上层，下面就系抹茶软雪糕。抹茶味道非常浓郁，食完之后口腔内仲会留有一阵抹茶味。期间限定果然系期间限定。点解咁讲，因为店员整好拎出来既时间，上面个半圆形朱古力波不停有少少烟升起，仲有d泡泡系d法国红桑子汁爆爆下咁，似足个火山口爆发咁，卖相设计好有心思。雪糕都竟然有烟？原来入面加左小小干冰系到，店员细心提一提要等烟散晒先好进食，真系窝心。系火山口下面既系榛子雪糕，亦即系平时食既金莎味。火山口话咁快就溶好，将火山口既红桑子汁沟埋榛子雪糕，味道唔会怪，而且仲有一种酸酸甜甜味道出现。可能系榛子雪糕到加入左北海道牛乳的关系，雪糕非常香滑，又有入口即溶既感觉。枫之火焰－无论系卖相又好，味道又好，绝对比足满分。