影片
更多
2016-06-14
302 浏览
刚从池记行出黎之后，总觉得若有所失，可能头先碗面太少吧，唔够饱肚，正当踌躇揾串鱼蛋医肚时，想起附近好似有间黄枝记未食过，不如去试下，但转念又想，刚刚才食过云吞面，而家又去食，前世未食过云吞面咩，记得之前有本杂志都有介绍过呢间，好似好出名下，又记得呢间野喺中环都系街知巷闻，咁既然佢难得座落铜记，头先碗面又唔系好够喉（一来唔饱，二来唔好食），咁就再去食返碗沟下货啦。 去到门口，原来呢间系楼上铺，记得个位置好耐前系一间韩国餐厅，之前食过味道都算道地，估唔到咁都要执，又想香港租金真系非人想像，迟啲铜锣湾仲会唔会有呢啲面店呢？ 行过楼梯进入门口，旁边一副对联藏著怀旧风格，内里是简约装修而搭配中餐馆的圆桌排阵，不知是中是西的感觉。角落有间房仔，展示了打面做的面棍，又多了博物馆的格调，像在诉说这间店的歴史和态度。坐下来不吃其它，叫了碗细蓉，原来正好下午茶，有埋野饮，见佢有即磨咖啡便点，咖啡配云吞面，一个中西合壁的组合。 面一到，心里一阵伏意味浓，如图所见，云吞浮面，面似饼团，韭黄欠奉，心谂：唔系挂! 先试面，冇砚水味，但弹牙欠奉，唔知系咪煮耐左，面饼亦冇搅松，吃起来仲
去到门口，原来呢间系楼上铺，记得个位置好耐前系一间韩国餐厅，之前食过味道都算道地，估唔到咁都要执，又想香港租金真系非人想像，迟啲铜锣湾仲会唔会有呢啲面店呢？
行过楼梯进入门口，旁边一副对联藏著怀旧风格，内里是简约装修而搭配中餐馆的圆桌排阵，不知是中是西的感觉。角落有间房仔，展示了打面做的面棍，又多了博物馆的格调，像在诉说这间店的歴史和态度。坐下来不吃其它，叫了碗细蓉，原来正好下午茶，有埋野饮，见佢有即磨咖啡便点，咖啡配云吞面，一个中西合壁的组合。
面一到，
心里一阵伏意味浓，如图所见，云吞浮面，面似饼团，韭黄欠奉，心谂：唔系挂!先试面，冇砚水味，但弹牙欠奉，唔知系咪煮耐左，面饼亦冇搅松，吃起来仲差过二三流面店，再饮汤，好似面啲砚水走晒去汤里，砚味重，饮唔出虾籽味，味精亦出众，比池记食的更重，再食云吞，跟刚才情况一样，内馅结实，鱼尾收紧，味精更重，都算，成碗野最大败笔系---冇韭黄，你比几条葱我当韭黄？啲韭黄用晒所以得葱吗？枉你间舖咁有心整个歴史博物馆出黎，而你竟然衰喺条韭黄度，食开云吞面就知条韭黄有几咁紧要。到辣椒酱，要问侍应攞，枱面嘅系辣椒渣，非那回事。酱属普通街边货，冇乜特别，由此亦可感受到店家的心态。
食到这里，自觉与它缘尽于此，留下一面二汤便毅然放弃。总括黎讲呢个面系唔合格，亦好多瑕疵，唔知系因为下午茶所以师傅hea做定其他原因，而云吞浮面可能各家做法不同，但个汤底同个韭黄真系致命死因，呢碗野亦令在下今日写呢三篇食评。记得之前有一娱乐投资者说小成本电影怎可能好过大卡士制作攞最佳电影，然后攞云吞面攞唔到米芝莲来比喻，其嘴脸令人作呕，在此不表论述。可能今时今日有心做一碗云吞面嘅人越来越少，谂住发达嘅人越来越多，一碗好嘅云吞面变得隐世，令到老一辈人看不起它，年轻一辈人不认识它
张贴
