江記麻辣美食 (已結業)

装修走怀旧风，虽然里面一个食客都无，既然肚饿都可以试下。叫左12粒韭菜云吞+米线/ 中辣麻辣。食紧𠮶阵觉得点解一啲都唔麻又唔辣嘅呢？睇返menu原来有分咩变态辣又爆菊辣咁(睇图)，有啲多余。正正经经分大中小辣好过啦，而家咁分级法，中辣系咪即系唔辣架姐？职员又唔会过黎介绍下～细细粒五毫子咁上下size系gimmick，因为食落其实无论云吞仔/米线/汤底嘅味道都系无乜特别。云吞除咗韭菜味无肉味。除非你唔钟意食麻辣+唔会叫面底，净系食云吞可能会好少少。但招牌写住麻辣美食，好难对「麻」「辣」无要求架㖞！如果你自问真系好钟意试新野，系可以试一次，但之后应该都唔会再嚟⋯⋯见到枱面有樽疑似辣菜谱，咁我谂住落下佢等佢辣啲啦，点知得个咸字。