江記麻辣美食 (已結業)

周圍行過見到店面好乾淨，又好想吃車仔麵，所以試下。點了一碗三餸車仔麺加汽水🥤只係42元，好抵吃！大水餃🥟好香，一吃就知係手工餃！成碗麵好靚！滷水豬大腸好味！店員好nice ！一定掂！

因為係fb見到有介紹先專登去食，鋪頭已經係砵蘭街旺地段，油麻地站一出去轉彎就到，但下午時間都係得小貓兩三隻食客🤔，我都係抱住試下無妨嘅心態入去食職員態度不錯👍🏻叫左小辣嘅全家福水餃（即係四款水餃都有）一碗紅噹噹嘅麻辣水餃，聞到係有麻辣味，但食落真係無味，要點醋食。芹菜水餃唔係太鍾意所以食左一啖就無食總括黎講，質素一般，因為價錢貴，50蚊得10粒水餃，而且沒有配飲品😅另外，都有車仔麵食，由於一個人食所以無試到

裝修走懷舊風，雖然裡面一個食客都無，既然肚餓都可以試下。叫左12粒韭菜雲吞+米線/ 中辣麻辣。食緊嗰陣覺得點解一啲都唔麻又唔辣嘅呢？睇返menu原來有分咩變態辣又爆菊辣咁(睇圖)，有啲多餘。正正經經分大中小辣好過啦，而家咁分級法，中辣係咪即係唔辣架姐？職員又唔會過黎介紹下～細細粒五毫子咁上下size係gimmick，因為食落其實無論雲吞仔/米線/湯底嘅味道都係無乜特別。雲吞除咗韭菜味無肉味。除非你唔鍾意食麻辣+唔會叫麵底，淨係食雲吞可能會好少少。但招牌寫住麻辣美食，好難對「麻」「辣」無要求架喎！如果你自問真係好鍾意試新野，係可以試一次，但之後應該都唔會再嚟⋯⋯見到枱面有樽疑似辣菜譜，咁我諗住落下佢等佢辣啲啦，點知得個咸字。

路過油麻地江記門囗,感覺似國內食肆風格，近年香港流行重慶鷄煲、烤魚、酸菜魚、四川麻辣鍋等重口味菜式，餃子店也如雨後春筍般開著，深受港人歡迎，筆者抱著不防一試內進，簡單裝修,最矚目還是江記招牌紅綠兩色甚有懐舊味.主打五六款鮮肉小雲吞，麻辣燙，鹵味, 韭菜鮮肉餃子.筆者選了餃子，皮薄餡靚，可惜六隻中有四隻是穿了洞，味道隨煮時流失。鹵豬耳太*霖*,筆者個人愛爽，另選了幾款蔬菜，豬紅，牛柏葉作麻辣燙，結帳$80多,收費尚算合理。

路經門口，見有兩人等外賣，見煎出來賣相不錯，忍不住坐下叫了一客$24 六隻煎韭菜餃子，店內5-6個客，等了幾分數，試一口，😃皮薄多了多有肉汁，當時店內5-6個客，店員都有禮貌的，本人是喜歡支持小店多於集團式

我永遠支持小店，比起連鎖店，小店有誠意，有理念。雖然是小本經營，大多數執著品質取好捨壞，對客人態度也親切，要不然站不住腳了。這裡的小鮮肉餃子我基乎一星期食一次。細細粒一口份量，材料足夠，皮薄。今天是韮菜小鮮肉餃子配米缐再加菠菜。大辣我不能接受，BB辣對我來說是恰到好處。那辣度帶有誘惑，另胃口大開。最喜歡加入了芫茜和芝麻，特別香口。餃子一如往常皮薄餡靚，爆汁。不過等候時間比較耐，佳因即點即做，要有耐心喔！

呢間小店專係食小雲吞，香港比較少見，有五隻味可以揀，今次試吞既左芹菜拼白菜。雖然唔係好大粒，20粒一碗，唔大食既話完全夠飽，如果驚唔飽既話仲可以加唔同既餸同面底。湯底既話可以自己揀清湯定麻辣同酸辣，有唔同既辣度同麻度，今次揀左小辣已經覺得好辣！芹菜味好香，反而白菜就有d普通，可能因為湯底既味太濃遮蓋左雲吞本身既味。另外店內仲有韭菜煎餃同腸粉等其他小食，下次有機會可試下。另外提一提店入面好似有最底消費，如果叫12粒小雲吞既話就要再加餸先夠，而且12粒係唔可以雙拼，最少20粒先可以雙拼！

事原我見到廣告 知道油麻地開左間麻辣+雲吞聽到都開胃 咁岩附近做完野勁肚餓就行過去試 岩岩賣完廣告 多客人都正常 坐底即刻有人俾餐牌你填 我叫左個全家福 咩都有 可以一次過試哂另外佢有啲似車仔麵咁可以自選餸辣同麻都係分開填我譚仔食開3小辣唔知而度咩料子 試左個正常高於bb辣個個等緊既時候 有位客人問佢地攞鹽我心諗‘麻辣湯底都唔夠味 你都幾重口味’跟住就密密聽到好多雲吞都賣哂到食物黎左飲下淡湯先明白點解有客人要求要鹽。我就試左落豉油不過味道冇改變冇麻味冇辣味 根本就冇味聽到對面食客話除左食得出韭菜 其他都唔知食緊咩...我表示完全同意。皮唔滑 餡就..一般連個豬皮都係零味道...如果佢係好依賴個湯所以唔醃塊豬皮咁佢真係衰左係個湯到我唔想一面倒話唔好食但真係冇樣野好食我更加唔想胡亂猜測佢係咪生意太好係咁加水落個湯到又咁岩忘記左落味亦可能佢岩岩開無耐未做得順 稍有出錯 咁岩俾我食到..四十幾蚊個雲吞麵唔係貴 但食完個胃好唔開心我一向都唔會食淨野 一黎我大食 二黎唔鐘意浪費最後都頂唔順 我放棄其他方面員工都有禮貌 地方都設計得好懷舊食物佢有大大大既改善空間

在油麻地打滾了半年，居然發掘唔到嚟間地道美食小店。最近雜誌介紹，引發我的興趣，急急前來試一下。簡簡單單的一間小店並沒有華麗裝潢，店員熱情招待。要點食物的時候，用筆在過膠餐牌上劃劃就可以，既美觀又環保。雑誌介紹過小雲吞，非常吸引。韮菜鮮肉小雲吞，十二只賣二十八元。每隻只有一元硬幣大小，的骰可愛。雲吞皮通透薄薄的，餡料鮮味十足，肉汁和韮菜香另人回味無窮。湯底加入BB辣，那種香而微辣的口感好正！另追加了生菜和蘿蔔。今日就食住咁多，下次要試下其他餸料的小雲吞和小吃。

點了麵和雲呑後，選了魚蛋和蘿蔔兩款小吃。第一碟來的蘿蔔太硬了，才剛煮不久。後來店家主動換了另外一碟過來，夠淋，牛腩味都吸進蘿蔔裡頭。魚蛋有陳皮香，但質感太粉散，咖哩味道也不夠，不過配桌上的辣醬料就救了一點。麻辣雲呑小小的一口一粒，肉和菜都很足，也好吃。麻辣湯底很香。另外的一碗麻辣粉，湯頭不及雲呑的湯來的濃香，反而淡淡的。薯粉煙韌彈牙，滑滑的，真考筷子功架。配料只點了很多蔬菜豆卜等，正常的店這些都不會有問題的了。另外就那個鵝腸，又軟散，質感都粉粉的，味道更羶到不行。

小雲呑真心推介必食！細細粒又香又滑～可以食20幾隻！正👍🏻煎餃皮薄饀靚~即叫即煎！$10/3隻勁底食~仲有自選餸菜配料，辣麻度都可以自己選擇~清湯一樣好食！

煎饺，煎饺，煎饺，重要事情讲三次，即点即做，煎到脆卜卜，一啖咬落去点汁爆出来自己可以食一打麻辣手工云吞都好好味，辣辣的汤汁配上滑滑的皮，细细只，好过瘾牛杂，陈皮鱼蛋，烧卖，卤水都好好味，干净卫生，次次经过都要食煎饺同麻辣手工云吞，开业无几耐就已经上杂志，可见味道绝对好