影片
更多
2023-07-12
88 浏览
夏日炎炎，最岩去食冰啦，今日就黎左尖沙咀呢间云朶打卡 cafe 啦。餐厅开 12 点，我地大概几 1 点左右黎到，离远已经见到有人龙啦。排队系露天位置，好彩都冇太阳晒住，人龙都郁得快，等左 40 分钟就入得啦。餐厅空间比想像中大，门口已经系打卡位，摆放左云朶梳发，小茶几同几种植物，色系就行北欧风，比较自然同舒服。餐厅除左甜品外亦有提供正餐咸食，未食晏嘅我地就岩晒啦。为左留返肚仔空间食甜品，咸食都唔敢叫太多，所以拣左一个意粉同一个薯条。蒜香明太子樱花虾珍宝带子意粉意粉有两粒大大粒既带子，明太子同蒜味都浓，而且有别平时食明太子忌廉嘅味道，整体煮得比较干身，食晒成碟都唔会饱饱滞滞。配料仲有烟肉，令成个意粉更加惹味。辣肉肠薯条薯条道拣左个清清地，有辣肉肠片同薯条，薯条热辣辣脆卜卜，条条肥美冇炸空气。Canele Affogato又想食 canele 又想食雪糕，呢个甜品就可以一次过满足晒两个愿望啦。Canele 份量都几多，外脆内软烟烟韧韧，雪糕有香浓牛奶味，加埋咖啡嘅少少苦味，整体配合都好好。芋头牛奶冰平时好似好少见到芋头冰，所以今次就试试佢。紫色既芋泥配香雪雪嘅牛奶冰，放上枱面又靓又吸引，
餐厅开 12 点，我地大概几 1 点左右黎到，离远已经见到有人龙啦。排队系露天位置，好彩都冇太阳晒住，人龙都郁得快，等左 40 分钟就入得啦。
餐厅空间比想像中大，门口已经系打卡位，摆放左云朶梳发，小茶几同几种植物，色系就行北欧风，比较自然同舒服。
餐厅除左甜品外亦有提供正餐咸食，未食晏嘅我地就岩晒啦。为左留返肚仔空间食甜品，咸食都唔敢叫太多，所以拣左一个意粉同一个薯条。
蒜香明太子樱花虾珍宝带子意粉
意粉有两粒大大粒既带子，明太子同蒜味都浓，而且有别平时食明太子忌廉嘅味道，整体煮得比较干身，食晒成碟都唔会饱饱滞滞。配料仲有烟肉，令成个意粉更加惹味。
辣肉肠薯条
薯条道拣左个清清地，有辣肉肠片同薯条，薯条热辣辣脆卜卜，条条肥美冇炸空气。
Canele Affogato
又想食 canele 又想食雪糕，呢个甜品就可以一次过满足晒两个愿望啦。Canele 份量都几多，外脆内软烟烟韧韧，雪糕有香浓牛奶味，加埋咖啡嘅少少苦味，整体配合都好好。
芋头牛奶冰
平时好似好少见到芋头冰，所以今次就试试佢。紫色既芋泥配香雪雪嘅牛奶冰，放上枱面又靓又吸引，食到中间仲有惊喜，原来中间有大大旧芋泥，仲有芋圆添，每一啖都可以按自己喜好做配搭，食软绵绵嘅冰又得，食烟韧嘅芋圆都得。
张贴
