龍城餐館 (已結業)

下昼下午茶时间落九龙城揾食，见到近广场度呢间新开嘅店，抱住一试嘅心态入去坐低，一睇餐牌内心已经唔系好妥，茶餐一碗丁面加嘢饮差唔多五十蚊，下午茶餐鱼蛋米 线三十蚊。。。当场已经想走，但老公又话落雨咪周围揾，仲唔识死叫咗个$78蚊杂扒饭。。。系呀$78蚊呀。。。我就睇等佢嚟咗睇吓有冇伏先再决定落唔落单。。嚟到实在觉得得啖笑，鸡扒牛扒都系好薄，薄都系重点，大家可以见到鸡扒白雪雪，硬而带有浓烈雪藏味，牛扒靱而柴皮，火腿+午餐肉+肠仔都唔系靓货，老板呀老板。。。咁嘅质素收人$78，于心可忍呢？仲有个死咸黑椒汁，点呀？质素同价格落差太大，唯一好处系楼面呀姐好主动招莱，但咁嘅质素想有回头客，老板实在太天真喇！