影片
更多
2016-10-18
1179 浏览
晌香港，比利时菜算唔算冷门呢？大家对比利时菜又有几多认识呢？以小弟而言，佢真喺比较冷门，睇番自己咁耐嘅食评就知，唔计比利时窝夫及朱古力，食过嘅比利时菜可谓一只手指（唔喺一只手）都数得晒，今晚，就同朋友嚟到中环嘅Frites作出零的突破。原来一出电梯就喺餐厅，餐厅呈长形，地方颇大，楼底够高，仲有多组露台酒吧位，非常适合「欢乐时光」嚟饮几杯，倾吓偈。而装修极有古典味，木制枱櫈，古典天花灯，加上侍应都喺外国人，食客都以外国人偏多，外语横飞，气氛轻松自在，真让人有少少错觉以为身处外地。顺带一提，枱上嘅餐巾、餐具都做到一丝不苟，尤其套餐具，精致而好有手感。枱上成组酱料架，俾你随意运用。侍应亦好有礼貌、勤快，适时换上新碟。唯一挑剔喺上菜太快，转眼上齐晒前菜、青口及主菜，可以慢番啲就更好。餐枱纸就喺主餐牌，不过，由于灯光比较昏暗，餐枱纸又用上稍浅嘅浅啡色，所以，对某啲客人可能睇得辛苦啲，故可以改善一下。此外，灯光实在极暗，影相实在唔容易，小弟有唔少相都松郁蒙，请见谅。而主餐牌食物嘅分类为头盘、伴菜、招牌青口锅、Frites素食之选、Frites健康之选及主菜。此外，还有一个酒餐牌，因为同朋友都唔好酒
原来一出电梯就喺餐厅，餐厅呈长形，地方颇大，楼底够高，仲有多组露台酒吧位，非常适合「欢乐时光」嚟饮几杯，倾吓偈。
而装修极有古典味，木制枱櫈，古典天花灯，加上侍应都喺外国人，食客都以外国人偏多，外语横飞，气氛轻松自在，真让人有少少错觉以为身处外地。
顺带一提，枱上嘅餐巾、餐具都做到一丝不苟，尤其套餐具，精致而好有手感。枱上成组酱料架，俾你随意运用。侍应亦好有礼貌、勤快，适时换上新碟。唯一挑剔喺上菜太快，转眼上齐晒前菜、青口及主菜，可以慢番啲就更好。
餐枱纸就喺主餐牌，不过，由于灯光比较昏暗，餐枱纸又用上稍浅嘅浅啡色，所以，对某啲客人可能睇得辛苦啲，故可以改善一下。此外，灯光实在极暗，影相实在唔容易，小弟有唔少相都松郁蒙，请见谅。而主餐牌食物嘅分类为头盘、伴菜、招牌青口锅、Frites素食之选、Frites健康之选及主菜。
此外，还有一个酒餐牌，因为同朋友都唔好酒，兼且成大本印有不同餐酒、烈酒，多款比利时啤酒……，就无特别影低相留记录，但里面有一个小食及无酒精鸡尾酒餐牌，小食以炸嘢及浓味嘢居多，非常适合𩠌啤酒，唔怪之得放晌酒餐牌内。
至于啲无酒精鸡尾酒，我哋就较有兴趣。共有5款选择，每款都喺卖$55，再点就$15一杯，但每杯一品脱份量， 已经好够一餐饮用。
Friars Sweetheart $55以小红莓汁、苹果汁、蜜糖沟成，无论色泽、味道都几似利宾纳，但甜得嚟无咁死。
Coco Colada $55简单以菠萝汁及椰子忌廉做，朋友讲唔错，因为菠萝及椰子味都几平衡，酸酸甜甜。
头盘有12款之多，不过，已包括汤、沙律在其中，有好几款都想试，不过，最终点咗个蟹肉塔，因为从餐牌见，食材应几清新及颇有特色。
Crab Tian $130做成塔形，三层色彩，卖相真喺好清新。除咗蟹肉，仲有块根芹、蚕豆、牛油果、蕃茄粒，而当中块根芹查实小弟都唔知喺乜，喺事后上网查番先大概知咩嚟，就喺中层白色沟埋蛋黄酱嘅一啲茎菜，口感喺爽爽脆脆，再者，超多蟹肉，配埋其他食材，涂晌脆面包片上一齐食，不单清新开胃，更喺口感丰富。
Crab Tian
$130
61 浏览
1 赞好
0 留言
上文讲过，青口喺依度嘅招牌菜，所以，主餐牌中正中间一栏专登划出为青口菜式，共有6款口味，有传统，亦有新派，相信梗有一款啱你口味，分为半公斤（$235）及一公斤（$385）份量供选择，此外，并配有炸薯条及烘牛油面包作佐食，所以，整体份量一啲都唔轻。
Hoegaarden $235我哋点嘅喺半公斤份量，一样有成锅，虽然无认真数过，但大概都有15、16只，够两三个人共享。单睇青口外型好大只，肉质肥厚，鲜甜嫩口，唔会好似啲平价货入口又韧又胶，感觉好唔同，据侍仲应介绍话每年9-12月喺青口当造期，体形最大，更话有雌雄之分，前者肉身橙色，后者奶白，果然又真喺咁㖞。
Hoegaarden
$235
23 浏览
1 赞好
0 留言
食过一道头盘及一道青口锅，夹埋啲薯条、面包，都好顶得肚。主菜类，我哋亦喺选一款，主菜都有好多选择，好多款都心郁郁想试，如意大利饭、烤鸡、猪手、牛扒……，但最终拣羊扒，多谢朋友知我心水，羊扒亦喺小弟喜爱嘅肉类之一，因为羊膻唔喺人人都接受到，难得友人都OK，就梗喺试吓啲羊啦！
Provence Lamb Cutlets $295哗！啲主菜真喺无谂过咁大份，一客足有5大件纽西兰羊扒，而且，件件都有番咁上下厚身，睇餐牌嘅描述，羊扒喺以法国嘅普罗斯旺香草所腌，虽然，唔知点为止喺普罗斯旺香草，薰衣草？但总之好香，而且，羊扒质感嫩腍富肉汁，羊膻味属中等强度，喜欢食羊嘅朋友一定合晒胃口；此外，初头睇餐牌时，以为啲薯仔及沙律菜好似一般欧陆菜咁伴伴碟放晌边，原来唔喺，大堆头铺晒晌羊扒之下，薯仔采用里昂式炒法（Lyonnaise Potato），当然小弟本身唔识依样嘢，事后晌网上查查，喺将薯仔切片，加入牛油、香芹炒软，食落惹味感强；而沙律（Swiss Chard Salad）喺以瑞士甜菜（网上揾到其他译名如莙荙菜、迦茉菜）捞上油醋做成，味道酸酸甜甜。一客羊扒，份量真喺足4个人食。
Provence Lamb Cutlets
$295
46 浏览
1 赞好
0 留言
临尾嘅甜点环节，7款甜品都颇为吸引，最终拣咗Apple Tarte Tatin，觉得佢最特别，而且点一客就够晒我哋食。
Apple Tarte Tatin $100因为即叫即做，烘焗需时，所以，有心试就预早落定单。依道甜品好有趣，上枱时一个小煎镬中放咗一大件酥皮，有侍应堂前做埋个后期制作，煎镬一翻就出现苹果挞真身，一片一片苹果扇形排列整齐，放上云呢嗱雪糕球，再淋上苹果酒糖浆就正式做出成品。一客岂止两个人食，3-4个人共尝都OK㖞！底层嘅酥皮好薄，苹果片口薄均一又切得工整，焗腍之后宁舍香，仲有啲啲玉桂味，配合雪糕，冰火交融嘅感觉，添上苹果酒糖浆，真喺甜蜜满泻。
Apple Tarte Tatin
$100
21 浏览
0 赞好
0 留言
食到清晒碟就知大家都觉得佢好好味，值得推介嘅手工甜点！
总结一句，环境好，招呼又好，定价感觉好似偏贵，但计番个份量，其实绝对抵食，最紧要喺既有特色，又好食吖嘛，好满足嘅一餐比利时菜。
张贴
