Goobne Chicken (The Hart)

营业中

休息中

     好耐无食韩式炸鸡啦，听好多同事都话呢间好食，所以同男朋友一齐去试下，下午2点去到无乜人..我唔食到辣；所以点左一个甜甜地咖哩蜜糖烤鸡，点左一个我最爱的芝士排骨，呢个食完好滞同好腻的感觉，所以食完夜晚果餐我都无再食饭和其它野，一直饱到听朝.不过呢杯带条鲨鱼的蓝色鲨鱼之泪饮品都几贵，成七十几，但系觉得只是普通沙冰饮品，个烤鸡就热辣辣，一阵阵香甜的蜜糖味，咬开好多汁，鲜嫩无比的感觉，好正，鸡胸位也唔觉得“鞋”，连鸡皮都烤到无肥膏存在，因为我一向好怕食到鸡皮果D肥肥的感觉，呢下先最正，我一定会再食的，芝士排骨一定要热的时间才可以包住旧排骨，一冻小小就会无办法再包番旧骨架，所以一定要趁热时自己就快手快脚 包左先食呀，旁边还伴有薯角、西兰花和红萝卜。我男朋友都不断食D腌萝卜同西兰花先可以解到腻的感觉，呢个前菜系不可缺少的。