金園茶餐廳

营业中

休息中

师傅一早知道有电脑节, 于是相约封笔食家"今餐食乜好"出去逛一逛, 加上当天早上仲会一齐打波, 所以决定打完波后一齐出去贡下, 但贡之前都要医饱个肚先, 所以就去近住深水埗区嘅食店, 而同行嘅仲有好友食家"乜都放入窿"同埋徐兄!一行四人, 由徐兄带路, 拣左呢间食店, 佢话呢间食店嘅沙爹牛肉好味; 去到门口, 竟然高朋满坐, 要喺门口等一阵, 点知封笔食家"今餐食乜好"已经等唔切, 拿拿临柯打左个鸡尾包, 点知个包未到就已经有位喇!睇左一阵师傅就好听话咁柯打左个特餐, 点解听话? 因为特餐有沙爹牛肉面, 仲有火腿奄列同牛油餐包, 而餐饮师傅拣左冻柠茶! 等左一阵就有得食, 先讲下个餐包, 餐包都几软熟, 而牛油亦唔算太多, 可以; 火腿奄列就煎得几油, 蛋身非较干, 不过都接受到; 而主打沙爹牛肉师傅就要左米粉, 沙爹牛肉都几香, 加上牛肉松身入味, 都真系唔错㖞; 不过讲到最欣赏就一定非杯冻柠茶莫属, 皆因柠檬份量又够, 茶味都几浓, 茶底唔错, 加上够冻, 好正!总括黎讲食物质素唔错, 环境绝对干净, 比想像中好好多, 而服务都可以接受, 价钱都算平, 廿五蚊一个特餐, 抵食; 见