山頭火 (iSQUARE國際廣場)

营业中

休息中

iSQUARE 真系一个睇戏嘅好地方！！！睇完已经9点几，但仲可以人少少，静靓咁揾到野食。虽然黑夜半价嘅monster sushi 已经执左，茶木又唔接客，但仲有未食过嘅山头火，一试又几满意。我觉得最抵赞系佢所有拉面都有大中细选择，可谓丰俭由人，又唔洗浪费，特别系叫定食已经会跟多碗饭，真系唔系个个食到大碗面。四种汤底选择，我同宝宝都叫左辣，但其实就咁一饮汤已经知唔辣，不过配埋面，又几夹，我钟意佢面软硬适中，系最啱我口味果种，叉烧难得地够晒淋，轻松咬到。炸猪扒热辣辣，好脆。碗饭仲系用日本产珍珠米添，不过我觉得有d 淋。3 个人$270 埋单，饱饱。