鐵板世家

营业中

休息中

位于太子金鱼街入边嘅一间港式铁板扒餐餐厅，虽然里面有唔同类型嘅茶餐厅美食，但既然个名叫做铁板世家，自自然然需要尝试佢哋嘅铁板扒餐，感受吓淋酱汁喺铁板上面反弹到成身成面成枱都系酱𠮶种快感一入到室内就一大浸塑胶餐枱嘅酸酸霉霉味，虽然室内相当光鲜人骤眼睇都好整洁，但系就有𠮶种酸酸咪咪嘅味，令人第一个感觉不良好。星期日虽然金鱼街布满咗内地朋友仔，但呢度依然得一两台客，坐低准备嗌餐，只手掂到张枱都有一种痴痴立立嘅感觉，明明店内冇乜客，店员都可以隔两丈远大叫帮你落单，唔知点解唔可以行埋两步细细声讲，总真充满旧式香港茶餐厅嘅风味。叫左个铁板西冷配鸡扒薯菜套餐，本身叫白汤，嚟到就上红汤，个年青嘅店员仲好似掉垃圾咁，掉个碗落张台，五分之一碗汤倒晒落张枱度，同佢讲我order既系白沙，佢枱都唔抹就咁攞返个碗走，期后俾返碗白汤比我就算，当然依然唔抹番张台扒可以选择熟嘅程度，我选择medium Rare转头返牛扒就上枱，如果单论食物味道嘅话，佢可以话非常之好👍因为块西冷真系做到medium rare咬开入边鲜红而且软熟程度无懈可击，虽然块西冷薄少少得两cm厚都冇，但某程度上入口即化根本咬嘅力都唔需要相当满意！