影片
更多
2009-06-15
10 浏览
食串烧气氛, 味道固然紧要, 但同台"饭脚"亦都好紧要, 从来食串烧都系要丧叫丧食先尽庆及大快朵颐唔想又长沉, 废话少说, 直入正题 (满分: 10分):露笋卷 - 都几清新, 但我相信只要串烧舖肯比机烧, 应该都可以做到同一样o既水准 (8分)烧票米 - 甜就不在话下, 加埋蒜蓉香草牛油, 简直一绝 (10分)烧鳗鱼(即烧鳝) - 极之脆o既表皮包住非常juicy o既肉质, 充满淡淡鳝o既油脂味, 只此一家 (10分)牛肋骨 - 牛味甚浓但"鞋"口, 个人认为较为失色, 但熟o既程度已经好好, 可能系肉质本身唔系太适合做串烧 (7分)鸡掌肉 - 口感似鸡软骨加凤爪根, 非常好咬口亦唔系常见o既串烧种类, 送酒的话系十个"得", (10分)烧鸡翼 - 亦系我觉得另一个比较失色o既一项, 虽然已经做到表皮脆但肉感及味道只系一般, 可以唔叫 (7分)牛舌 - 必食, 肉汁未咬落去已经渗出o黎, 肉感爽口但又偏软身, 内里仍然泛一点红肉色, 有咬口之余感觉亦"轻身" (10分)酒煮蚬 - 酒味算浓, 蚬size亦大只, 食落比出面餐厅较爽亦唔老, 感觉亦非常鲜甜 (9分)大虾 - 大只
唔想又长沉, 废话少说, 直入正题 (满分: 10分):
露笋卷 - 都几清新, 但我相信只要串烧舖肯比机烧, 应该都可以做到同一样o既水准 (8分)
烧票米 - 甜就不在话下, 加埋蒜蓉香草牛油, 简直一绝 (10分)
烧鳗鱼(即烧鳝) - 极之脆o既表皮包住非常juicy o既肉质, 充满淡淡鳝o既油脂味, 只此一家 (10分)
牛肋骨 - 牛味甚浓但"鞋"口, 个人认为较为失色, 但熟o既程度已经好好, 可能系肉质本身唔系太适合做串烧 (7分)
鸡掌肉 - 口感似鸡软骨加凤爪根, 非常好咬口亦唔系常见o既串烧种类, 送酒的话系十个"得", (10分)
烧鸡翼 - 亦系我觉得另一个比较失色o既一项, 虽然已经做到表皮脆但肉感及味道只系一般, 可以唔叫 (7分)
牛舌 - 必食, 肉汁未咬落去已经渗出o黎, 肉感爽口但又偏软身, 内里仍然泛一点红肉色, 有咬口之余感觉亦"轻身" (10分)
酒煮蚬 - 酒味算浓, 蚬size亦大只, 食落比出面餐厅较爽亦唔老, 感觉亦非常鲜甜 (9分)
大虾 - 大只又新鲜, 虾羔亦相当不俗 (8分)
鸡软骨 - 烧得非常脆但内里并不干身"鞋"口, 司傅算是上乘功力 (8分)
鸡皮 - 鸡皮要烧得脆唔难, 入面要保持鸡皮油脂味应该都唔算难, 最难系要将佢处理到谁也抢不了谁的风头先难 (9.5分)
蕃茄烟肉串 - 蕃茄内里仲好juicy, 烟肉烧得冇over到, 唔错 (8分)
鹌鹑蛋 - 入口质感似烧脆左外层o既温泉蛋, 真系烧得岩岩好, 唔多唔少 (8.5分)
鹅肝双蛋饭 - 建议最后上台, 由于佢将所有材料搅拌好先上碟, 质地舔身但重鹅肝味, 慢慢试就会感觉到有大概2种层次o既味道, 先鹅肝后蛋味. 的确做得好 (10分)
基本上, 呢间串烧店每一样都有水准, 而且见到大司傅用心烹调o既样, 食得出系有一间heart o既食店, 据闻司傅来自南蛮亭, 唔怪得水准都系无得输喇 :-)
值得一提, 服务员都非常nice nice, 大司傅更爱同食客把酒言欢...虽然价钱算偏贵, 但无论气氛, 味道, 感觉都非常好, 更难得好友相聚畅, 当然无价
张贴