方叔叔重慶老火鍋 (太子集團中心)

营业中

休息中

一向都有食呢间火锅，同阿妈黎到。见到正呀，有8周年免加一优惠，仲有啲item 减价，食得比平时豪左但又唔算话好贵，最紧要阿妈坐得舒服唔洗赶住食。阿妈唔肯食辣，焗住叫鸳鸯锅，麻辣锅嘅汤系凉水，虽然味道无咩分别，但感觉上中和返热气又几好。今次亦爱上左麻辣以外嘅椰子鸡锅，未放火锅料前饮淡汤，好清甜。而且之后落每种索汁嘅锅料都份外香甜。必点野饮，因为超大杯同阿妈share都抵，清清地饮水仙乌龙柠檬茶，阿妈叫左d普通料唐生菜呀、皇帝菜呀、藕片、鲜腐竹、淮山条之类，佢买开𩠌都话新鲜程度满意。我就介绍佢食清爽嘅莴笋条，试下滑溜嘅鸭血、武隆苕粉。当然我地唔系斋食菜，珊瑚蚌鲜爽甜，手切鲜牛好浓牛味，仲有嫩d嘅美国特级牛胸腹、午餐肉等等，埋单每人都系三百几。呢间算系香港火锅我几满意服务嘅分店之一，一定会再帮衬。