I Love You Dessert Bar (已結業)

仔仔终于都考完试，我终于都松一口气，今日放学一于同佢去学校附近荣获米芝莲推介嘅街头小吃 I Love You Dessert「梳乎梳乎」。入到去铺头，问咗店员边款梳乎厘班戟最好食。她的答案就是看看自己钟意什么生果，什么雪糕。 其实实在太吸引，眼花缭乱，很难选择。既然系咁，我哋就拣咗原味梳乎厘班戟加云呢拿雪糕球，同埋香蕉朱古力梳乎厘班戟配朱古力雪糕。梳乎厘班戟需要时间制作，要耐心等待。 终于等到佢出嚟，简直系惊为天人，因为原味嘅梳乎厘pancake系有两个咁多。系震震震地出场， 可想而知系几软熟， 配加上雪糕一冷一热，口感一流。另一款只有一个pancake，都系好软熟。反而，我要赞佢个焦糖香蕉做得非常用心，很有水准。在等候梳乎厘班戟期间，为食的仔仔又话要食窝夫，见到有个食钱窝夫系列，追加了造型有一万yen纸币(米纸做的)的鲜芒果配云呢拿雪糕窝夫。 芒果好新鲜，waffle外脆内软，加埋雪糕简直系一流。如果今日天气凉一点，这个街头小吃就更滋味了。