Double 8 (裝修中)

作为港岛人，放工去天后揾好西都好方便。地点比较少经过，但都近地铁/巴士站， 同埋招牌霓虹灯好光亮吸睛，包保唔会错过。 🦞龙虾汤流心牛角酥 $98牛肉酥热辣辣，每层都几酥脆，包住非常香浓嘅龙虾汤，爆多嘅汤汁倾流而出，两个人分享都可以。🐽烤西班牙黑毛猪腩肉配苹果烧汁 $198黑毛猪带焦香，但唔算油腻，加上摆盘几靓，同苹果烧汁几配合，唔会喧宾夺主。薯蓉口感食到啲薯粒，带点忌廉香味，再幼滑啲就更加好。整体份量唔多，胜在卖相都精致。🍗水牛城鸡翼$88鸡翼烤得几香口，带点辣味，不过同传统嘅水牛城口味有啲唔同。虽然水牛城鸡翼相对少啲地方有得食，蜜糖鸡翼较多人推介，水准应该更高。🍹Mocktail - Summer $68 / 杯由热情果同青柠制成，够晒酸甜开胃。