稻埕飯店 (V Point) (已結業)

第二次拜訪呢間餐廳，食物質素同環境都保持到水準。提早幾日book枱，入門到坐底基本上唔洗排隊。沿著電梯直落入餐廳前會見到超有氣氛嘅霓虹燈牌，打卡一流。5個人點咗個稻風味四人餐，total有7個dishes加1個甜品。前菜蒜泥白肉賣相十分精緻，咬落外軟內脆。虎蝦同豬手花膠石鍋正常水準，冇over cooked，豬手食落唔會太油膩，略嫌淋咗少少。主食加$28升級咗八斗子炒飯，肉鬆加蟹肉蟹籽，全晚最有驚喜，個人三款配料都好鐘意，食落啖啖肉鬆，加咗少少鵝肉口感好有層次，味道配搭啱啱好，十分推薦！