榮昌茶座

营业中

休息中

假日得闲无野做，想揸车去效区食个lunch 消磨吓时间，上网Check 吓，见荣昌茶座星期日有开，就立即揸车入去食佢个招牌猪扒。当日去到正值中午食饭时间，全场满座，但都好快等到位坐。 佢哋有室内和室外，天气热坐室外真系好热所以我拣咗室内有冷气舒服啲。 茶餐厅形式，啲枱都摆得几密，所以唔会坐得耐。我哋叫咗一个净猪扒同埋一个猪扒出前一丁。 猪扒好入味、煎得好香，唔会硬。另外叫咗一杯绿茶雪糕红豆冰，一杯石板街雪糕凉粉，两款都好好味，甜度适中，红豆好淋，系水准之作。