霸嗎拉麵 (已結業)

尼间拉面店都开左有一段时间，见到尖沙咀果间分店既评价都唔错，一直都好想试下，但每次星期六日经过都好多人。今日趁平日无乜人，终于有机会一试啦！下午四点左右黎到，提供紧午市套餐，有饭有拉面选择，$48 起无加一，一个套餐包汽水一罐。黎到拉面店，我地当然要先试下佢既拉面啦，拉面午市套餐只有2个选择，我同朋友就分别简左炙烧豚肉味玉拉面配羽根烧饺子同鸡叉烧鸡白汤拉面配唐扬炸鸡。上菜速度都好快，十分钟左右就有野食啦两个拉面既汤底都好香浓，应该系足料淆左好耐，唔会好似某啲拉面店既汤底好似沟左水咁稀。唯一略嫌鸡肉汤底油左少少，食得多会有点腻。面条无得选择软硬度，但食落我个人觉得岩岩好，面有少少弹性，唔会煮得太过耐个人比较钟意黎个豚肉拉面，叉烧半肥瘦，肉质松软，果然系慢煮左十个钟，叉烧经过炙烧更加香口。味玉亦唔会太咸，咬落流出浓浓既蛋黄汁。至于炸鸡同饺子就普普通通，中规中矩啦。